整容女星吳文忻日前拍攝
Botox （肉毒桿菌素）廣告，為配合即時瘦面兼變身的廣告主題，她分別以OL 打扮及穿低胸晚裝亮相，向來敢言的她直指不少女星均靠此瘦面，但大多數敢做不敢認。
吳文忻年前簽約整容公司老闆蕭定一為經理人後，先後接受削鼻骨及注射Botox 瘦面等整容療程，據知她早前已跟蕭定一約滿，回復自由身，日前她更為另一隻Botox 產品拍攝
硬照廣告，她表示事前已向蕭定一諮詢，也直認跟他的經理人合約屆滿。
冇得靠化妝拍攝
廣告當日，吳文忻先以一身OL 打扮在灣仔拍外景
，其後轉往蘭桂坊一間餐廳，改穿低胸晚裝，非常養眼。問吳文忻有否再注射Botox 瘦面？她直認說：「都有，其實呢樣嘢喺美國流行好耐，但好睇醫生手勢同份量，打Botox 係唔需要做手術，兩分鐘已經完成，可以隆高個鼻、整尖下巴，完全唔使康復期。」
吳文忻稱為配合廣告主題，故有多個造型，表達注射Botox 後可以隨即上班和隨即開P 。
對於不少女星靠Botox 瘦面，吳文忻說：「係好多人都有打，無論你點減肥，塊面係方就方，做運動點會只係瘦塊面？唔好玩啦，啲人話唔同咗樣，係因為化妝
技巧，成個鼻高晒點化妝
技巧呀？圈中邊個整就唔好講，但我贊成佢哋唔認，認咗有壓力，世界上多個靚女，大家開心都冇所謂，最緊要係安全，唔好搵啲不知名九唔搭八嘅產品同醫生。」
吳文忻續稱自己是產品代言人當然要認，她笑說：「我不嬲過句就過句，事實係咁，你又點講唔係？其實N 年前啲人打羊胎素都唔認㗎啦，或者啲人係鍾意對娛樂圈嘅人估估吓呱？」
嘩.......佢係咪再整大咗.........好大呀..............
