Janice Man 升cup 超女
你試吓打開報紙雜誌睇吓，香港人嘅接受能力愈嚟愈寬廣，求其齊晒手手腳腳眼耳口鼻，就可以入行做model 㗎喇。FBI 講緊嘅，梗係唔係女神Janice Man （文詠珊）啦，傳聞收3、4萬蚊行一個騷，FBI 一個禮拜都見佢三兩次，紅咯。
上星期五（2日）阿女神就去咗尖沙咀酒吧Why Club 搞咗個Bubble Party 嘅泳衣騷，雖然席間都有一群so call model 四圍走，但女神一出，明顯級數唔同喇。首先，model 甲乙丙要著三點式行晒成個騷，而女神就一條短裙出場15分鐘就引死人，場中真係有人好肚餓咁吹晒口哨叫晒囂。[/td][/tr][/table]
FBI 相信，Janice Man 喺屋企對住塊鏡試過好多不同pose 同表情，揀定最靚一set 輸入自動擺甫士系統，一見相機即刻啟動。套衫仲係日牌Prime Girl sponsor ，全場得佢有。
其餘雜模要著bra top 熱褲，仲要好似去咗夏老威咁掛個花圈喺頸，你話呢個世界唔公平？你做model 過刻開始已經唔公平啦！
樣靚腳長當然係女神必殺技，不過都要讚吓兩隻腳踩晒入娛樂圈嘅Janice 識撈，見人舉機佢就識擺甫士，上星期出席電影《內衣少女》遇到女星群Stephy （鄧麗欣）、JJ （賈曉晨），見對手強啲就將個bra 當面罩底褲當面褲冚，叻到呢！
女神變身內衣超人酒吧騷前兩日，Janice Man 出席佢做第二女主角嘅《內衣少女》電影開鏡，女主角係邊個，唔講唔覺，係過氣女神Stephy 喎。現場班記者叫佢哋揸內衣影相，喺套戲入面做阿叔殺手嘅Janice Man 就將個bra 當眼罩戴，都要相當夠勇氣先做得出，贏咗。
到Stephy 知輸咗想學人玩胸圍時，Janice Man 已經玩緊透視底褲，快手到呢，但FBI 聽講女神喺套戲入面其實唔使著內衣，淨係Stephy 先要，慘啦，班電車男!
爸爸眼罩
三角底冚面
