呢排天氣又熱又潮濕，一出一入冷氣地方，隨時感冒中招。上個禮拜二（十三日），《壹》仔響中環東方文華門口，見到面青口唇白嘅Janice Man落車，戴住副黑超都睇到佢副病容，JM好坦白：「好病呀，感冒，唔好影啦！」
以為佢去睇醫生，點知係去時裝店試衫。被老闆黎明賜封為「模art」，見到眼前咁多春夏新裝，JM當堂醒神，店員攞衫諗住幫佢襯，JM寧願自己落手落腳重新配搭過。Shopping能醫百病，睇靚衫，原來都有紓緩作用。
睇衫前，JM個樣無釐精神，但一行入時裝店，即刻醒曬，仲自己落手搵衫。
店員幫手襯衫，不過JM唔滿意，寧願自己再襯過，病緊都諗到點扮靚。
