女仔着得性感啲，男仔嘅視線要好小心至得，最怕畀人話鹹濕、話猥褻，但若然調番轉頭呢，女仔（目及）男仔，冇人會敢講一句半句，呢個世界邊有真正男女平等吖！
好似東姑早排去西片《蜘蛛俠2》嘅首映咁，文詠珊（Janice Man）亦係應邀嘅嘉賓之一，大會仲安排人扮蜘蛛俠出場同佢合照。初頭唔知頭唔知路，有啲抗拒嘅佢，好快都笑晒口大方拖住蜘蛛俠合照。不過，大家都知蜘蛛俠件戰衣幾咁貼身啦，呢位下身激凸嘅仁兄，就喺有意冇意之間吸引咗Janice Man嘅視線，仲被Janice Man偷（目及）咗好幾眼添！
東姑眼見Janice Man之後拖住蜘蛛俠隻手，刻意保持住一定啲身體距離，唔知係覺得尷尬抑或怕唔小心接觸到「小蜘蛛」呢？
蜘蛛俠突如其來殺出嚟，搞到Janice Man都好愕然，仲好似好抗拒對方行埋身邊。
話晒係人哋主場部戲首映，Janice Man好快定個神嚟，同蜘蛛俠合照。
之不過，蜘蛛俠套戰衣又的確貼身過龍咗，下身咁激凸，搞到Janice Man都忍唔住（目及）多幾眼。
