娛樂頂點34D 陸詩韻：我唔整都夠用 彈葉翠翠不倒胸
自從無線破格奉行愈著得少愈收得貴原則後，為賺騷價和曝光率，不少姐仔均樂意「乳」眾同樂。為爭呢嚿肥豬肉，就連以往平平無奇的葉翠翠，亦忽然由32A 衫板胸神奇升cup 至34C ，狂接噴血泳衣騷。
葉翠翠忽然變索，與她同屆、有新一代「咪神」之稱的陸詩韻，出身和所走路線可謂與葉一樣，二人難免在工作上暗中角力，就連結識的富豪，亦不相伯仲。兩位姐仔的緋聞男友都非富則貴，加上最近葉再使出「變幻球」爭地盤，恃住34D 貨真價實的陸詩韻，即時還擊死敵：「我唔使整都夠用！」
身高5呎7吋的陸詩韻，擁有魔鬼身材，拍攝當日更大晒其S 身形。
葉翠翠05年當選港姐冠軍後，未上位事業已陷低潮，除被公司投閒置散外，更被踢爆與奀星李逸朗拍拖，直至去年，葉翠翠上圍三級跳，工作接踵而來，就連與她同屆選港姐，在更衣室睇過葉全相的袁彌明亦明寸說：「佢以前好扁，都唔知塞咩落去變成咁！」
3年三級跳
平胸
葉翠翠05年選港姐時，明顯平胸包面，著起泳衣沒甚睇頭。
缽仔糕
07年中「再度發育」又靚咗嘅翠翠開始接泳衣騷，還與陸詩韻拍住搵錢。
大湯碗
今年4月，有雜誌拍下翠翠在中環名店試衫，雙峰更加突出，稍為烏低身都波濤「胸」湧。《face 》圖片
辣
「咪神」葉翠翠五官變得標青，圍繞身邊的觀音兵，即由昔日霉友變成有米富豪，至於有睇頭的身材，亦造就她狂接噴血泳衣騷。葉翠翠得知市場受落，近日即向無線要求加騷價，由以往嗌價二萬多元狂升至四、五萬，拍住不少一線姐仔。
不過每年夏季泳衣騷數埋得幾個，餅仔細細爭崩頭，但因葉翠翠甚識冧高層，故泳衣騷亦會先預她一份，令一眾姐仔十分睇唔過眼。
爭主持飯碗至於與她同屆港姐的亞軍陸詩韻，無論工作、形象，所走路線都與葉翠翠如出一轍。無線最先安排陸詩韻參與不少大型綜合節目，累積不少執生經驗，早前公司更打算找陸主持現場節目《事必關己》，但最後主持一職終落在葉翠翠手上。「其實個個都吼住呢個筍位，話晒日日黃金時段出街，而且做得多呢啲live 騷，之後有大騷做，所以想爭嘅人事前咪狂約監製食飯。講真句，公司好多人都知葉翠翠搏㗎啦，咁佢又識賣口乖，出親公開活動都谷胸上陣，咁戮力，自然在高層心中加分，所以咪搶贏陸詩韻咋。」一工作人員透露。
同是05年參選港姐的袁彌明（左），曾表示當年是與葉翠翠同房，在浴室見過葉的身材，袁說：「佢以前好扁……」現時袁與陸詩韻成為好友，同聲同氣。
做節目冇偈傾此外，葉和陸當選港姐後，均被安排主持《娛樂直播》節目，二人心病亦由此起。據工作人員表示：「佢兩個最初被安排每人做兩日，撞到面機會都好大，以為佢哋係同屆港姐，應該好多偈傾，不過事實係佢哋喺化妝間都係打對面坐，就算對稿，都係對完即擰歪面走。後來先知原來佢哋分別同監製要求，希望可以出鏡多啲，件事傳番入佢兩個耳中，咪覺得對方同自己爭嘢做咋！」
對於葉翠翠被指身材樣貌三級跳和爭job 做，陸詩韻雖然處處表現若無其事，但亦忍唔住暗寸葉翠翠。「老實講，由始至終我都好欣賞佢，佢好努力，好多人話佢靚咗，可能係識打扮啦，我都有靚咗㗎，冇人講之嘛！（咁你滿唔滿意你嘅身材，會唔會整？）吓，我唔介意人哋整，不過我都幾滿意我身形，所以唔使整都夠用。（有傳之前《事必關己》個主持係你做，不過之後就俾葉翠翠做咗，你覺唔覺佢搶嘢做？）當然我好想做呢個節目。（好唔抵？）唔會，我係一個飲水思源嘅人，喺《娛樂直播》做咗兩年，到依家都仲係好鍾意呢個節目，所以有得繼續做已經好開心。總之一句講晒，唔想同人比較。」
港姐大比併
翠翠畫清界線事後記者致電葉翠翠，雖然她與陸同屆港姐出身，不過被問到私底下與陸的關係時，她遲疑數秒才答道：「我哋都係朋友嚟嘅！（有傳《事必關己》主持本來係你同佢之爭！）呢啲內部嘅嘢，我唔清楚。（咁你覺得陸詩韻勝任做節目主持嗎？）佢幾好呀，都唔錯嘅！（聽聞你做《娛樂直播》成日冧工作人員。）我又唔覺喎，我對任何人都會嗱個心出嚟傾偈，好自然，唔會刻意，好似你打俾我，我都會覆你啦！（最近你係咪同TVB 話要加行騷價？）我唔想再回應，冇理由人哋講完嘅嘢，我又要講多次，唔想愈描愈黑，總之我好滿意自己嘅價錢，接騷全部交由公司安排，我淨係睇自己時間表啫！」
之後記者表示葉翠翠與陸詩韻都幾似，葉即說：「我唔覺喎！（我指你哋經常俾人影到同富豪食飯，係咪諗住搵番個有條件嘅男友呀？）我冇呢個計劃，依家以事業為重，總之我唔覺同佢相似啦！」擺明要同陸詩韻畫清界線。
同富豪交往
陸詩韻07年被拍下與監躉富豪曾文能同遊東京，而近日又有指她與擁億元身家嘅律師林炳昌（右圖）飯局。
