唔知幾時，香港又好似興番青春愛情劇，繼唔知鬥大定鬥細之後，又有套《愛情萬歲》煞科。
上星期三（30日）佢哋就搞咗個煞科宴，戲中有咀戲嘅Yumiko 同洪卓立一上台，就被眾人要求重演錫嘴一幕，怕醜仔洪卓立梗係嘟吓個嘴算，邊敢錫師姐呀？而Yumiko ，又唔知點解都好鬼含羞，司儀姚樂怡推佢個頭埋去佢死都唔肯就範。
不過換咗鄧健泓上台之後，Yumiko 就放好多喇，你抱完我我又抱番你，開心到唔捨得走咁款。唔通，一套唔夠喉，想黐實無線大師個蜜糖入多次屋？
戲中有一幕鄧健泓抱起Yumiko 嘅戲，台下又起哄叫佢哋重演一次，好得意咩？不過做晒套戲出嚟啦，咁FBI 遲啲唔使租碟睇。
司儀們出手推佢哋埋去咀，洪卓立同Yumiko 條頸都好硬，好驚掂到對方。
FACE周刊第37期
