由冇變有，好難；由細變大，冇咁難；如果天生愛美神，
低身搞掂，好簡單，何須千里尋良方。
上星期五（30日），FBI 就響澳門星際酒店嘅一周年活動見盡以上種種女星胸前罅隙嘅魔法幻影。首先，由於現代內衣剪裁科技一日千里，令李彩華嘅micro wave 夾與唔夾都有罅隙，好彩由於比較夾硬，所以形狀好似數目字「l l 」咁樣嘅，不過加埋表演艷舞一字馬，都引到人望兩眼。
而周氏姊妹汶錡麗淇就比較順其自然，所以長期處於「l 」字狀態，鬆鬆動動咁，搞到要互餵魚生先搶到少少鏡。
好喇，壓軸就有分量喇，FBI 晚晚響《妙手仁心3》見到嘅搏盡黎姿返嚟喇，而且仲愈大愈靚，愈靚又愈大喎！
正所謂紙包唔住火，黎姿當晚條Valentino 晚裝一樣包唔住，雖然佢都間唔中用手遮遮掩掩，但係真係湧到出嚟，心口長期有個「Y 」字響度，每次將籌碼一放一收，咪咪都有「擺上枱」嘅震撼。嘩！如果FBI 係荷官，遇著黎姿就弊咯。
冇人理
星際搵咗「4條Q 」嚟除咗有睇頭，仲有火花，以前同「整容老闆」蕭定一傳過緋聞嘅李彩華（左），咁啱周汶錡又曾經被阿一質疑過佢嘅變臉魔法，呢鋪就有仇報啦，連FBI 都預咗李彩華俾人冷落，打完手印冇人睬梗係鬆人啦！
布景板
打完手印例牌賭番兩手，黎姿同Niki 一早坐埋賭枱傾唔停，家姐周汶錡就搭訕，李彩華又做布景板。FBI 百分之一千肯定，周氏姊妹冇同李彩華傾過一句偈。
貼地反擊
李彩華呢晚應賭場邀請，響大庭廣眾跳艷舞，為咗彌補先天不足同人氣不足嘅缺點，即場做咗個一字馬，貼晒地，畀你睇多一味。
II 咪撼Y 咪
全程被「3條Q 」冷落嘅李彩華，以為坐響「Y 字」胸嘅黎姿隔籬可以避火頭，點知個「l l 咪」唔爭氣，咁又輸得心服口服嘅，人哋可以擺上枱，你得咩？
黎姿趷起身睇吓輪盤開咩「冧把」，小心呀！漏晒喇，好彩佢揞住心口啫！呢個動作，李彩華就冇資格做喇！
