GetJetso Facebook 專頁
發新話題 Report thanks

轉貼:娛樂頂點:父母當新歡冇到　千嬅談戀情亂籠

1# 大 中 小 cheshire (IP: x.218.106.x) 發表於 2007-10-23 00:50  發短消息 只看該作者
相關主題: 父母
娛樂頂點:父母當新歡冇到　千嬅談戀情亂籠恨拍拖的楊千嬅，終於再現緋聞，仲要係打孖嚟！千嬅於上周五（12日）假紅館舉行一連五場的《All About Love 2007演唱會》。台上有古天樂撐場獻吻，台下有花弗富家子丁子高捧足三場。33歲的千嬅唔使擔心做老姑婆！
尾場時，千嬅刻意安排男友丁子高與父母坐隔籬，但現場所見，楊氏父母對愛女新歡卻視而不見，招呼都冇打。唔知係咪丁子高個底太花呢？丁子高
有花旦殺手之稱的丁子高，近年同佘詩曼、傅明憲、廖碧兒等傳過緋聞，花邊新聞一籮籮。歌手做唔成的他轉做IPS 公關，因家境富裕，不少靚女在他身邊團團轉。
烈女愛花心男
入行12年，千嬅的戀情少之又少，唯一承認的只有鄭中基。多年來的緋聞男友更是花心漢居多，唔通烈女真係唔壞唔愛？
鄭中基
99年鄭中基以一曲〈2月3日〉成功奪得千嬅芳心，兩人拍拖半年，已多次傳出鄭中基有第三者，分別是張栢芝、黃泆潼，台灣女模等。兩人離離合合多次，最終04年分手。
古天樂
千嬅與古仔雖然未有承認過戀情，但在圈中已是公開的秘密。兩人02年拍電影《乾柴烈火》而撻著，他們曾被記者拍到撐枱腳，但因古仔不定性兼極有女人緣，所以「千古戀」只是霧水情緣。

之後個唱慶功宴時，千嬅被記者問到「千丁戀」時，更愈兜愈亂。
記：你同丁子高係新識嘅朋友？
千：唔係！識咗佢好耐。
記：佢係咪揸你架車？點解？
千：係呀！我哋去飲杯嘢，我要俾飛朋友。大家關心我嘅感情生活。我唔識路送佢返屋企，咪佢揸囉。
記：吓！你送佢返屋企？
千：係呀！我唔識路自己揸返走，平時都係司機車我，我點識認路呀！呢啲都係普通社交禮儀……我唔係賣剩蔗，唔使令父母擔心，我恨咗好耐可以講感情事。
記：佢係咪追你呀？
千：所有單身人士都有機會。（丁子高呢？）咪就係好朋友囉。
記：知唔知佢睇幾場呀？佢今晚有嚟！
千：知佢睇咗兩場，今晚望唔到喎！（你又知佢睇兩場？）之前佢帶親戚嚟後台同我握手。（見家長？）點講呀……多謝佢幫襯我（註：丁子高坐的嘉賓位唔使俾錢買）。開心有人講我感情。
記：一講就開孖（古天樂同丁子高）喎！
千：呢個先驚。
記：有無男仔追你呀？
千：冇呀！隔咁耐得兩個要還神！之前俾人話我老姑婆，阿媽愁咗成個月！

有傳8月初，千嬅於Volar 夜蒲飲到醉醺醺，被擦身而過的蒲精丁子高從後擁抱，之後兩人開始秘密約會。早前丁子高更揸住千嬅座駕現身太古廣場，當他們發現記者時，千嬅竟趴低避鏡頭，行為閃縮。
「千丁戀」剛萌芽，女友開騷，丁子高獨自捧了三場。在尾場（16日）當晚，未開騷時他已坐定定任記者影相。據知千嬅刻意將父母與男友安排坐埋同一行，但當楊氏父母經過他面前時，兩老竟視而不見，令丁子高十分冇癮。
男友捧場，千嬅表現緊張，多次唱錯歌詞，亦有甩嘴。尤其與古天樂咀嘴時，更忍唔住笑，在台上多次語無倫次：「隻手俾香辣親……我咁誠心，見到啲灰搖搖欲墜……我都要上香，同今晚都幾襯色。點香愈辣愈紅，你哋返屋企試吓啊！笨？」大家知唔知佢講乜呢呵？

轉貼:娛樂頂點:父母當新歡冇到　千嬅談戀情亂籠圖片1
丁子高
轉貼:娛樂頂點:父母當新歡冇到　千嬅談戀情亂籠圖片2
千嬅父母行經丁子高面前，大家招呼都冇打。
轉貼:娛樂頂點:父母當新歡冇到　千嬅談戀情亂籠圖片3
千嬅安排丁子高與父母坐埋同一行，雖然原先他們之間仍相隔了四個位。
轉貼:娛樂頂點:父母當新歡冇到　千嬅談戀情亂籠圖片4
後來丁子高主動出擊，坐近千嬅父母，可惜兩老仍當佢透明。
忽然一周第638期
相關主題:父母
如果您喜歡這篇文章，請按「讚」或分享給您的朋友，以示鼓勵。

TOP

thanks