懶洋洋的冬天往往令人容易賴床遲到，究竟人體在冬天點解會懶瞓啲？要避免經常「唔知醒」、「遲大到」又有咩方法？專家為你一一拆解。
香港睡眠醫學會代表兼精神科專科醫生方日旭解釋，冬天日短夜長，日出時間較遲，人體因遲接觸陽光，也相應較遲起身。另外，冬天容易賴床與低溫有關，因人體睡覺時體溫會下降，幫助進入休息狀態；而醒後隨著活動增加，體溫回升，就會令人加快清醒。由於冬天的低溫環境，容易令人遲遲不願起床，也要較多時間才可清醒。
市民要避免冬天「唔知醒」，方醫生認為首要秘訣是保持充足睡眠，減少開夜車或捱夜，避免身體太疲累，因為「冬天唔夠瞓會仲難醒、較難準時起身」。
早上接觸光線可加快人清醒，建議入睡前，不妨打開部分窗簾布，讓日出的陽光照射入屋，幫助起床。如一向使用厚身的窗簾布或遮光布窗簾，不妨在冬天轉用較薄身的窗簾布。
剛剛甦醒時，嘗試郁動身軀，幫助身體回暖，都是另一個幫助提神的方法。他說：「留係床嘅時間越長、越係唔郁，就容易瞓番」當然，早上起床能多做運動，例如伸展都對身體有益。
不少人會調校多個電話鬧鐘叫醒自己，方醫生認為此舉並非一個好方法，因為鬧鐘分開幾次響起，會令人習慣「啪停咗又再瞓」，逐漸對響鬧聲失去警覺性。又有人會把鬧鐘校早一點，只會中斷睡眠，睡得更少，例如計劃早上7時半起床，卻將鬧鐘調校在7時正及7時半響鬧，當第1個鬧鐘響起時關掉再睡，至7時半才起床，變相瞓少半小時。
方醫生認為市民應培養鬧鐘一響起，就立即彈起身、離開張床的習慣，才能提防賴床，所以響鬧1次便足夠。另外，調校鬧鐘收音機，都是另一個避免賴床的輔助方法。
from:
http://hk.apple.nextmedia ... 151212/19409663
