郭羨妮（Sonija）離巢無線後，昨日首度現身荃灣出席奧比斯活動，現場替小妹妹加冕似選港姐，問可介意暱稱家豬的囡囡將來選美？Sonija笑說：「等佢攞十優先，𠵱家好興嘛。如果讀完書去選美，我都支持。」Sonija與胡杏兒屬同屆港姐，兩人今年約滿後均不續約，但杏兒被封殺，Sonija則有新劇推出，無線亦有找她宣傳。Sonija說：「佢不停叫我留低，叫我續約，但我想多啲時間陪屋企人，個女好需要我。」可有銀彈攻勢？她說：「家庭重要啲，而且唔想重複角色。」
現在Sonija無約一身輕：「接今次活動都唔使經太多嘢，自由度高咗，而且我都有自己經理人。」
郭羨妮落足心機，照顧仍在讀K1的囡囡家豬。
對簽10年長約，麥明詩（右）和龐卓欣仍有保留，直言未想到咁長遠。
麥明詩：未準備好
藝人買少見少，有傳無線急推應屆港姐拍劇，連藝訓班等基本訓練都沒有，但冠軍麥明詩是劍橋高材生兼十優狀元，她會否願意簽10年長約？出爐港姐昨日在北角出席活動，麥明詩與龐卓欣答案一致，直言未想到咁長遠，只說：「互相瞭解緊，唔係只睇年期，睇嚇有冇興趣……能力上未準備好，太急唔係好事。」同場的周汶錡透露忙於替兒子找學校：「老公想個仔讀本地學校，想佢學好中文，英文法文老公會教，我就教上海話。」
採訪：羅慧敏、譚倩宜
攝影：仇志德、葉君海
from:
http://hk.apple.nextmedia ... 150920/19302343
