[減肥健身] 「西柚」生果去減肥的方法(轉)

相信是因為「西柚」這兩個字吧！
西柚是生果>>生果對健康有益，
連衛生組織都建議大家食多啲生果蔬菜，
咁一個叫人食生果去減肥的方法，
斷估都唔會差得去邊。

於是乎俾人感覺上這是一個健康的減肥餐單，
就算減唔到，都應該對身體無害~~啩。
事實是，西柚雖然是水果，但並非完全對健康無害，
而且如果照跟呢個餐單減肥的話，更會令人營養不良。

首先分析一下點解西柚減肥餐會令人體重下降。
(冇錯，大部份Fad Diets 都可以令人短期內減磅，
如果唔係，點會吸引到咁多人去試)

原因好簡單，
就係一個人如果跟呢個餐單食的話，
吸收的卡路里就會少o左好多。
咁吸收少咗熱量，體重自然會下降，
而且呢個餐單同其他Fad Diets一樣，都係要人唔食碳水化合物(除咗西柚)，
從而令體內水份流失。

健康的減肥飲食方法，並不單睇熱量多少，
還要顧及均衡的營養，包括維他命、礦物質、
蛋白質(特別是必需氨基酸--essential aminoacids，
即是人類必需從食物攝取的氨基酸)的比例等等。
而西柚除了維他命A同C 較為豐富啲之外，

其他營養素的分配並不全面，特別在礦物質及蛋白質方面。
所以如果單單三餐都食西柚為主糧，食得一段時間，
個人就會出現營養不良。