有讀者以為幫襯必瘦站的數百元療程，便可成功減肥，卻不知自己跌進無底深潭，不斷被必瘦站職員搾乾搾淨荷包，然後再游說向財務公司借錢繼續減肥，結果欠下廿七萬元巨債。
專家更踢爆，必瘦站落力游說事主買下的貴價減肥產品，例如「磁力內衣褲」，根本毫無作用，長期穿著，更有機會患上濕疹，可謂「貼錢買難受
罪狀一 亂吹醫學理論
但開始療程後，顧問便頻頻死纏爛打，逼她加錢額外買療程，當她不為所動，便改為嚇她「淋巴好塞」，令她方寸大亂。
「佢話淋巴塞咗，好易變成靜脈曲張。」她見顧問講到「似層層」，半推半就下，又再買了一個六萬元的推淋巴療程，「佢講到好真，又話我唔加錢做，之前嗰啲都會變得無效。」
記者向家庭醫生關嘉美查問，她指淋巴跟靜脈曲張毫無關係，「靜脈曲張係因為血液唔能夠輸送到心臟，關淋巴咩事？」
罪狀二 騎呢內衣醫寒背
必瘦站更睇準顧客「減肥大過天」的心態，自創兩套「磁力」及「矯形」內衣褲，力谷顧客購買，鍾小姐便買下這兩款各售約六千元的內衣，「佢哋話內衣上突起嘅微粒，係有磁力可以促進血液循環。」顧問聲稱「矯形內衣褲」可醫治寒背，於是強行替鍾小姐訂做，「佢打個電話嚟就話幫我訂咗，我根本都無話要。」令沒有寒背的鍾小姐既氣憤又無奈。
記者將內衣交給關嘉美查看，她直指現時未有醫學文獻，證明磁力有助血液循環，「做運動比著住呢套內衣有用一千倍。」她更提醒內衣質料應該以純棉為佳，「呢套內衣係尼龍做，著得多仲好易引起敏感同濕疹。」
明愛陳登復康治療中心經理黃旗泰看罷「矯形內衣褲」更嘖嘖稱奇，直言對醫治寒背完全無效，「質地咁軟，點可以拉直條腰，根本做唔到支撐腰骨嘅功能。寒背關乎本身嘅胸椎關節事，同下盤或腳係無關係，著褲可以醫寒背，真係未聽過。」他指市面上的矯形腰帶，可幫助患者拉開膊頭，令腰板挺直，售價只需百多元。
幫襯之前小心啦！唔知呢度有無ｓｉｓ都係受害者？
來源：
http://hk.health.nextmedi ... art_id=10742171
