早排有報道話，港姐陳茵媺拍《盜亦有盜》時因為衰遲到俾陳法拉蝦，仲蝦到喊添呀，陰功！娛樂新聞喎，FBI 梗係信到十足啦，完全想像到陳法拉變身女魔頭嘅猙獰樣。但係FBI 上個禮拜響電視城canteen ，就見到兩位「話題女王」同枱食飯兼坐埋一齊，席間仲有講有笑，法拉姐姐搽cream 時，又問阿茵媺妹妹要唔要？妹妹見姐姐嫌杯茶濃，又
臨做阿四去斟茶遞水。
有二五爆料，其實佢哋邊有不和啊！原來呢期做咗「K 嫂」嘅法拉已經唔再係妹妹仔，仲四圍收
添，佢見陳茵媺咁識撈，想上位做新一代新聞女王，就即刻收歸門下。陳茵媺學到嘢，呢期頻頻見報，連去超市掃貨，甚至響酒樓哭訴申冤都咁啱俾狗仔隊影到，茵媺妹嘅潛質唔睇得小呀！
事後陳茵媺同FBI 講，其實同法拉唔太熟：「我哋響劇度冇乜對手戲，平時見面都係打個招呼咁啦！（但係斟晒茶喎？）不過我好鍾意幫人嘅，見到人哋有需要咪幫吓手囉！」
，咩叫做教識徒弟冇師傅？明晒啦！
對唔住呀師傅，我以後唔敢喇！
陳茵媺選港姐時，已經好識利用自己個神奇高低咪製造話題，法拉你真係小心收著個青出於藍嘅徒弟呀。
冇大冇細，係咪想逐出師門呀？設計對白
阿姐嫌苦︰你睇，邊有不和啫！法拉姐飲咗一啖茶嫌太濃，淨係做咗個苦情樣咋，都未開口，茵媺妹就仆倒去沖水喇，反應唔錯喎，孺子可教也。隔籬嘅馬德鐘都想有咁好服侍呀！
阿四沖水
