由藝人轉型做DJ打碟的黃泆潼與意大利籍老公Kavemura結婚兩年，一直表現恩愛，但兩人日前拍拖行街時突然吵大鑊，黃泆潼全程黑口黑面，更一度擰歪面眼尾都唔望老公，Kavemura出盡辦法施冧功，擾攘一輪才氹番老婆！
黃泆潼去年到老公家鄉意大利度假兼補度蜜月。
現年39歲的黃泆潼年前以Miss Yellow之名轉戰DJ界，數年間已打出名堂，成為亞洲知名人氣女DJ。2016年，她與拍拖一年的獨立電子音樂人Kavemura拉埋天窗，升呢人妻，並自言婚後與老公輪流下廚玩煮飯仔，增添情趣維繫感情。
日前晚上8時許，黃泆潼與老公拍拖現身西九龍一個商場，兩人到一間咖啡店內，原本邊歎咖啡邊有傾有講，但未知是否Kavemura言語間激親老婆，黃泆潼突然愈坐愈開，與老公離行離列，更突然黑面，嚇得老公即施冧功，又伸手輕摸老婆膊頭，但黃泆潼索性擰歪面唔理老公，眼尾都唔望一下，Kavemura則繼續想辦法氹老婆。
見老婆黑晒口面，Kavemura起勢落嘴頭氹她。
黃泆潼坐開兼擰歪塊面，唔睬老公！
Kavemura輕輕摸住老婆膊頭繼續施冧功，黃泆潼終於受理，和好如初。背脊「得」住
期間有途人經過忍不住眼望望，但嬲爆爆的黃泆潼未有理會，依然用個背脊「得」住老公，而Kavemura就鍥而不捨繼續撩老婆傾偈，經過約半小時「發功」，黃泆潼才下了啖氣，終於有反應肯理番個老公，兩公婆和好如初！
文：追蹤組
攝：專案組
