搵幾多：每月收入約$40,000(1個月約4場騷)
出沒地點：中環Cliq 、Sugar 、慈禧、Club PP 等
做藝人其實好被動，撈得掂檔期日日爆，撈唔掂就日日等工開，手停口停，未必個個都咁風光。
唔想坐以待斃，就要自尋後路。好似黃泆潼咁，以前做電視台姐仔，每個月都係搵1萬幾千，依家兼職做埋DJ ，喺夜場捽一晚碟都收1萬，閒時又接吓演藝工作，雙線發展，生活起碼有保障。
為錢轉型嘅仲有女歌手陳逸璇、港姐林莉同埋鄧一君，再唔係好似王敏德考個直升機師牌，有錢賺又滿足到自己。
黃泆潼有樣有身材，做DJ 自然吸引到好多男fans ，佢話每次捽碟都有大班朋友捧場，之後仲會一齊玩，真係寓工作於娛樂。
黃泆潼做藝員時成日要扮鬼扮馬，狄娜都扮過。依家除咗做DJ ，有人搵佢拍戲都會接。
黃泆潼：叫我DJ Miss Yellow
講起夜場打碟嘅DJ ，大部分人都會即時諗起一身Hip Pop 打扮嘅型男，手揸headphone 郁身郁勢捽碟。無論業餘定專業DJ ，都好少有女仔。
平時喺電視上見到性格爽朗嘅黃泆潼，原來亦兼職做DJ 打碟近一年，「最初有個藝員同事同我講佢依家學緊捽碟，咁就引起我嘅興趣，而我師傅Ryan Li 又肯收我為徒，咁咪跟佢學嘢咋！我學咗一年師先至可以出show 㗎！」據知搵DJ Miss Yellow 打一場碟收費約一萬。
曾經在樂壇頒獎禮嗱過新人獎的Jolie ，做歌手搵唔到食，最後惟有轉行天橋。
陳逸璇唔唱歌行天橋
去年10月才轉戰模特兒界的陳逸璇Jolie(原名陳苑淇)，惹來是非一籮籮。不少報道指她遲到、擺款，或是靠師姐熊黛林，才有機會行騷，但她一於好少理，決意擺脫歌手形象。現正身處內地的她，卻忙於拍攝電視劇，飾演老千一角。有機會搵真銀，點都好過喺香港等運到。
Jolie在03年與李克勤合唱〈合久必分〉加入樂壇，可惜後繼無力。後來唱片公司老闆陳小寶離開環球自組新公司，只簽下Jolie 一個，當她滿以為有發展機會，可惜公司閃電執笠，Jolie 再變成無主孤魂。今年26歲的Jolie ，雖已轉投模特兒界，但從未放棄過演藝事業。
搵幾多：模特兒騷+品牌活動收$5,000-$10,000
劇集：$8,000-$10,000/ 一集
卸任後林莉任職廣告設計，被傳媒影到搭地鐵返工。
林莉做model 搵快錢
與葉翠翠同屆的港姐季軍林莉，沒有買「2628」（中國人壽），所以賺不到三千萬買豪宅，06年卸任後更因入不敷支而退出娛樂圈，回歸白領生活。不過早前又轉行主攻模特兒界，「離開娛樂圈呢年，有唔同公司搵我拍廣告，有時都會拍劇，但只屬兼職性質，好似《家好月圓》我都有客串幾集。雖然有公司搵我幫手做公關或者宣傳工作，但我暫時想做多7至8年Model 先，搵多啲錢，將來再做文職都未遲。」
搵幾多：模特兒騷+品牌活動收$5,000-$8,000
早前林莉為彩光醫學美容中心拍攝廣告，一口氣簽下兩年代言人合約，六位數字酬勞袋袋平安，相比廣告設計只得唔夠2萬的月薪，做model 搵錢的確易得多。
王敏德幫趙世曾揸直升機
無論在電影或劇集內，王敏德都擅長飾演專業人士，如飛虎隊、飛機師及設計師等，而現實生活中Michael 亦是一位直升機師，今年6月初他更受聘於富豪趙世曾。Michael 話：「其實主要用直升機接送趙生嘅朋友，去佢隻遊艇過度，不過因為有海浪，所以有一定危險性。」香港一般直升機師月薪4至5萬，不過寓工作於娛樂的Michael ，坦言錢唔係最重要，「拍戲同做機師搵嘅錢唔同，不過我覺得揸直升機好啲，滿足感大得多。」
搵幾多：月入約$50,000
趙世曾於去年7月以300多萬購入Robinson R-44直升機，話到明俾Michael 任用，今年父親節，Michael 更帶埋仔女一齊遊機河慶祝。
鄧一君拍畢電影《記得香蕉成熟時》後，隨即被傳媒冠以「香蕉仔」的稱號，不過星途一閃即逝。
最初擔任投資顧問，鄧一君找來不少老友幫手，連徐子淇也是他的「客仔」，難怪05年他已經取了數個最高營業額獎項。
鄧一君冇工開做保險
童星出身的鄧一君，91年憑一套《記得香蕉成熟時》唔單止獲得「金像獎」最佳新人獎提名，更由電影跳到電視圈，幕前做到幕後（實驗電影《窗內閃爍的音符》導演）。05年「香蕉仔」突然離開娛樂圈，加入宏利成為理財顧問。鄧一君表示：「我十幾歲已經登上演藝生涯高峰，之後日日等電話開工，收入又唔穩定，轉做保險嘅原因，係因為覺得娛樂圈沉寂咗，但保險係香港三大行業之一，發展空間好大。事實證明我冇揀錯，依家搵錢比喺TVB 多好多。」
雖然每個月賺多幾倍人工，但早前鄧一君又回到幕前，為無線高清台主持財經節目《創富坊》，曾揚言希望在60歲前退休的他，預期到時經濟沒有負擔，可以開電影製作公司做創作，與朋友喜歡拍甚麼便拍甚麼。原來到頭來「香蕉仔」也未捨得離開娛樂圈呢！
搵幾多：月入過$100,000
