由獎門人水著拋胸玩遊戲女星，近年已轉行玩音樂，在夜店捽碟做DJ 的黃泆潼，與LMF 樂隊成員阿肥（陳偉雄）拍拖三年，名花有主；但上星期四（七月廿四日），本刊記者發現她撇甩男友，與一名紋身漢手拖手在九龍城開餐，之後到泳池鴛鴦戲水。
黃泆潼與Raymond 手拖手毫不避忌。
整bra
黃泆潼在Raymond 面前大方整bra 任睇。
挨埋
兩人在水中談心，仲越挨越埋。
推油
Raymond 主動幫黃泆潼搽太陽油。
兩份飲
一樽可樂兩份飲，黃泆潼與Raymond 關係絕不簡單。
拖手玩水
當日黃泆潼不避嫌駕駛其Mini Cooper 到九龍城，據知同行的男伴名叫Raymond ，是一位model 。
泊車後，二人在獅子石道一帶搵食，其間Raymond 更主動拖女方手；雖然大街大巷，但黃泆潼並沒有抗拒，與男伴手拖手進入餐廳開餐。
食了一個鐘，之後黃泆潼與Raymond 再揸車到一個私人屋苑會所。未幾，在會所泳池發現二人
影，當時黃泆潼已換上藍色比堅尼泳衣，大晒34C 身材，而Raymond 則毫不客氣，幫手搽太陽油，只見他的手不斷在黃泆潼背脊及大髀游移，又一支可樂兩份飲，態度親暱。
幫黃泆潼做完防曬功夫，Raymond 率先下水，露出膊頭、背脊及腹部位置的紋身，而黃泆潼乾煎二十分鐘後開始頂唔順，走到池邊玩水散熱，同時，與男伴在水中傾偈，打情罵俏。
上星期三晚，黃泆潼與男友阿肥前後腳出席書展。
已經改與陳子聰等人組成「廿四味」的阿肥，當晚亦有出席書展。
Model 出身的Raymond ，曾經與薛凱琪及何韻詩等明星一齊行過Fashion Show 。
以往獎門人每逢有水著環節，都必定唔少得黃泆潼份。
近年黃泆潼轉行做打碟DJ ，更改了個「朵」叫做DJ Yellow 。
唔認男友
其實，名花有主的黃泆潼已經有個拍拖三年男友，正是LMF 成員阿肥（陳偉雄），兩人經常一齊出席公開活動，間接承認戀情。
問到黃泆潼與Raymond 的關係，她說：「好朋友囉，我哋識咗好多年㗎。（你哋好親熱，又拖手？）吓！拖手好普通啫，飲醉咗都會拖㗎啦。（你哋去游水有無向男友報告？）男友，邊個呀？（阿肥！）我同佢係朋友啫，我都無認過我哋拍拖。」
