佘詩曼日前疑似有新戀情，上月底被本報直擊她與紋身大隻男到數碼港二人世界睇戲，即有報導起大隻男底蘊，名字叫Randy Chan更已為人父，育有混血B仔。最爆的地方是他一腳踏兩船，背著阿佘暗媾𡃁模馮鎵瀠（Naomi），影到他在暗巷與女方動作親暱，更擬想同女方開房被拒。
據知情人士透露，Randy今年32歲，有指屬玩家一名，即使與40歲的阿佘發展姊弟戀，在他的facebook中，仍有不少他揹著女性的親密照，其友人更留言讚sweet。Randy上年回流香港，不時夜蒲狂媾女，見到「目標」即抄牌攞電話，更主動透露自己想結婚組織家庭，這招正中阿佘想結婚的計劃。
據知，Randy在8月中去中環新夜場FOVEA開幕時，遇上同場的阿佘，當晚Naomi都有同朋友同場，估計Randy當晚同𠝹兩女。對於阿佘疑搭上玩家，記者昨日致電阿佘，她表示：「終於水落石出，不用我多費唇舌，去證明佢唔係真命天子，我哋只係純友誼接觸。」
佘詩曼
有報導指Randy約會Naomi，更想帶她去酒店短敍。
Naomi：唔係我主動
另一方面，「小三」Naomi昨在電話談及與Randy在街頭親暱，她表示：「咁都唔係我主動。」問到Randy是否追求她，她表示：「肯定唔係男友，識咗唔係好耐，追都應該唔係。我覺得係唔止我一個，喜愛夜蒲嘅人，都有心理準備啦。」Naomi透露經記者才知Randy與阿佘約會中，對於成為小三，她表示：「佢同我講係單身，結咗婚再介入先係小三，𠵱家冇同佢一齊，點係小三？我只係約人出嚟，你同一個人拍拖之前，你都會同佢約會嚇，瞭解嚇先。」Randy昨日在fb鬧爆有人藉機宣傳，而Naomi亦在fb還擊：「冇人會做條新聞，話自己同個男人去搵房爆咁低能呀？你唔係知名人！我EQ低，冇辦法容忍有人自我感覺良好。」
採訪：嵐山
中譯：點解你會去呃一個人來換知名度？今時今日人嘅良知去曬邊？呢個世上有啲人嘅動機真係好卑鄙。或者係我唔可以再咁好人。
Randy昨日在fb力斥有人抽水博見報，行為卑劣，暗指Naomi放料。
玩家Randy的fb有不少揹著女性的親密照。
from:
http://hk.apple.nextmedia ... 150917/19298061
