袁潔瑩跟黃百鳴最老友，每年生日會互送祝福。資料圖片
【最港電影大獎 黃百鳴系列之3親自揀卒】
黃百鳴早年被《開心鬼》第一代導演高志森起飛腳，臨危授命杜琪𥧌上位。講到《開》片系列，令人印象深刻的當然是健康青春的「開心少女組」，成員袁潔瑩、羅美薇及陳加玲，全由黃百鳴一手發掘。
擔心會爽約
當中跟黃百鳴最老友的袁潔瑩，每年生日都會互相祝福，他們的交情要追溯到黃百鳴多年前在街「執」入行，當時袁潔瑩未滿16歲，黃百鳴笑說：「真係喺街執佢返嚟！」
原來當年黃百鳴跟高志森在街頭物色《開心鬼放暑假》女主角，他們到中環蘭桂坊想找外表冷酷的女仔，結果在鏞記門外發現袁潔瑩。黃百鳴說：「我揸車經過鏞記門口，就見到個𡃁妹好cool，同個男朋友嗌緊交，梗係cool啦！就叫高志森叫佢聽日上嚟試鏡。」
黃百鳴還擔心袁潔瑩爽約，親自下車游說：「我問認唔認得我係邊個，咁我點都叫做做過第一集啦！」結果袁潔瑩演出《開心鬼放暑假》，亦與男友分手：「好似有啲內疚，好似拆散一對鴛鴦咁。」黃百鳴自言跟羅明珠較少聯絡，直至對方臨終前才多些飯敍：「佢仍然冇乜變嘅，大笑姑婆咁囉，都係好多嘢講，好開心嗰種。」
黃百鳴當年在街頭物色電影女角，「開心少女組」正是由他發掘。資料圖片
當年仍叫王靖雯的王菲，曾是新藝寶旗下歌手。資料圖片
捧Beyond王菲
另外，新藝城當年是票房保證，85年又與寶麗金合組成立新藝寶唱片公司，黃百鳴說：「因為費事傾唱片公司，因為新藝城惡吖嘛，你識唱歌嘅就簽新藝寶，如果你唔簽，個戲就唔搵你拍！」當年吸引不少當紅歌手簽約，包括許冠傑及張國榮。黃百鳴說：「Beyond地下樂隊捧上嚟，所以就拍我嘅戲啦，最後一個新人係王菲，嗰陣時叫王靖雯。」
採訪：陳月媚
由《蘋果動新聞》和娛樂版舉辦的「最港電影大獎」現正接受讀者投票，選出心目中的最「港」之選，包括最港電影、最港男、女演員等，截止日期為2月21日。賽果將於《蘋果動新聞》和娛樂版揭曉。
「最港電影大獎」投票網址
http://bit.ly/thekongestfilmawards
【最港電影大獎(7)】拍《開心鬼》買樓娶老婆高志森起飛腳造就杜琪峯上位
http://bit.ly/2E4lAgs
【最港電影大獎(6)】Mark哥原來只係配角周潤發一句上位做男一？
http://bit.ly/2DuSW6V
【最港電影大獎(5)】黃百鳴棄高薪厚職圓電影夢創立新藝城靠最佳拍檔
http://bit.ly/2GaOr3e
【最港電影大獎(4)】走過黑暗與光明黃百鳴論盡電影史明日登場
http://bit.ly/2n5isIW
【最港電影大獎(3)】影帝影后嗌口號齊撐最港電影大獎
http://bit.ly/2F1ZeeP
【最港電影大獎(2)】最港電影大獎提名揭曉 《空手道》惡鬥《一念無明》
http://bit.ly/2Drwcol
【最港電影大獎(1)】陳真Mark哥葉問齊呼籲一人一票撐港片
http://bit.ly/2E3u9IB
【最港電影大獎提名】杜汶澤望攞團體獎劉德華：喜見新導演新演員不斷湧現
http://bit.ly/2n3i8L3
精選娛聞，喺晒《娛果》
