名模Cara G.師妹吳紫韻（Purple）早前首度跳入大銀幕，夥拍唐文龍及關楚耀等拍攝內地網絡電影，令她大感興奮，她說：「我嘅戲份唔算多，拍咗一星期左右，幾好玩，學到好多嘢。（演戲唔難？）之前都有跟彭秀慧老師學戲，如果十分滿分我畀自己五分。」
吳紫韻
本身與關楚耀是朋友的Purple，坦言今次與他較多對手戲：「我有叫佢要睇住我，佢會講啲對白令我有嘢答，演得自然啲。其他藝人都好好，好似林偉前輩，佢有教我作為一個藝人要謙卑、尊重所有人、不斷學習。（最想挑戰咩角色﹖）想做打女，覺得好有挑戰性。」除了幕前演出外，Purple亦是甜品高手，會為朋友製作蛋糕：「以前都係自學整甜品，後來喺韓國留咗年幾學韓文，喺當地學咗韓式唧花同甜品裝飾，好鍾意。」
Purple曾到韓國學整唧花及甜品裝飾。
