上世紀天后葉蒨文（莎莉）同林子祥嘅婚姻有廿一年，但一半時間係頻頻傳婚變！鬼咩，近呢十年，經常出現喺林子祥身邊嘅，唔係老婆，而係紅顏Fiona Yuen，至於陪莎莉出雙入對嘅男人，唔係羽毛球教練Mike，就係其他異性，兩公婆合體，多數喺工作場合。
陪鬚根老外
年屆56歲嘅莎莉，明明行成熟路線，但呢日短裙仔露肉腿，朝氣勃勃。
鬚根老外喺條巷傾埋電話，址埋支煙先入餐廳。
早排莎莉約鬚根老外食飯，棄平日熟女打扮，56歲著住短裙仔，簡直向青春致敬。嗰日莎莉同鬚根老外前後腳入餐廳，事關鬚根老外好忙㗎！傾電話，扯支煙，再隊埋嘢（可能係酒或其他飲品），先入去會合莎莉。不過呢餐飯唔係浪漫撐枱腳，而係三人行，多個外傭做電燈膽，但都無阻莎莉同鬚根老外嘅雅興，開支紅酒，同對方「乾一杯乾一杯，恭祝友誼！」
近年經常陪住阿Lam嘅係紅顏知己Fiona。
之前行街打扮似大媽。
莎莉同老外開餐，叫咗支紅酒，真係乾一杯恭祝友誼！
撰文：八珍
攝影：李玄
56歲葉蒨文轉look肉腿回春
