郭晶晶懷有霍家第四代男孫，霍家上下大表興奮，晶晶親口向身邊好友表示BB已足九個月大，故此預產期是今個月，隨時生得。據悉霍家對慈姑椗十分緊張，已預定養和豪華分娩套房，由婦科名醫梁淑德負責開刀，更請定陪月作準備，作為爺爺的霍震霆更看古書幫孫仔改中文名。記者昨日致電給身在外地的霍震霆，問到晶晶分娩在即，為何還出外公幹？他笑說：「多謝關心。」問他改名進度？他表示：「適當時間會安排，多謝關心。」
葉蒨文前晚穿上性感晚裝，於啟德郵輪碼頭獻唱金曲。
郭晶晶將會於今個月為霍啟剛誕下愛情結晶品。資料圖片
Sally做契婆
準嫲嫲朱玲玲的閨中好友葉蒨文（Sally）前晚現身啟德郵輪碼頭的Benz房車活動，問到晶晶產期，Sally笑言：「我都係前三個禮拜先知佢有咗，同玲玲講電話先知，玲玲都話就快生。」問她送甚麼禮物給BB？她說：「諗都未諗，都唔知要生，都係睇雜誌先見到晶晶大肚樣。」會否與BB上契？她說：「如果契，係契婆婆。」對於林子祥主唱的《衝上雲霄II》主題曲被批評，她表示：「I like it，每個人有唔同意見，冇可能個個happy，我同阿Lam都唔睇微博，唔識睇。」
from:
http://hk.apple.nextmedia ... 130811/18373275
