女人求瘦嘅決心，至死不渝。
偏方無數，大小S徐熙娣徐熙媛兩個好似特別多，特別係大S。唔少content farm曾大肆宣揚佢嘅「香蕉減肥法」，方法係三個月日日食香蕉，甚至接受手術——瘦面針，又話食麥皮可以激瘦44磅，嚇得大S急急喺fb澄清，話報導係假嘅。
同樣為追求瘦身夢樂此不疲嘅小S，寓減肥於搵銀，仲同表姐合著烹飪新書，教人整健康美顏嘅私房菜，好似「『番茄炒蛋』、『肉絲炒豆干』呢啲家常小菜，小S話：「只要我做菜女兒就會吃光光，並且一直誇獎我，讓我非常enjoy買菜、邊做菜邊唱歌跳舞的時光。」
講到煮嘢食咁開心，小S亦好樂意咁同大家分享佢點樣靠食嘢減十幾磅，令佢著得番多年前嘅牛仔褲。
小S一日三餐嘅餐單就分別係，好似早餐就要有機五穀雜糧麵包一小塊配無鹽牛油、無糖咖啡一杯；而午餐同晚餐就係用少量椰子油炒蔬菜，仲有魚、肉、蛋同5/2碗白粥。小S仲提大家，食嘅時候都有順序，首先要魚、肉開始吃，之後再吃蛋、蔬菜同白粥，小S係有解釋，佢話咁樣可以將增肌所需嘅蛋白質放前面吃，澱粉放後面吃避免過量。
除咗食晚餐有次序，小S仲話晚餐一定要係六點前食完，仲要戒酒，避免酒精影響身體代謝機能。咁如果覺得餓又點呢？小S就建議大家，話可將無糖燕麥飲料溝水嚟喝，增加飽足感與續航力。而修身之餘，小S仲要同步做運動鍛鍊，先可以有咁Fit嘅身形o架！
from:
http://hk.apple.nextmedia ... 161104/19822233
