李佳芯同居監視男友

1^# 大中小 young 發表於 2016-10-23 17:35 發短消息

相關主題: 李佳芯

李佳芯最近受力捧，和陳炳銓的戀情忽然變低調。資料圖片
李佳芯由有線加入無線，轉眼4年已成功上位，她由「最強小三」變成第一女主角，最近演劇集《律政強人》得到不少人讚賞。感情方面，她早已名花有主，最近由柴灣公屋搬到西貢村屋，跟ViuTV主持陳炳銓同居。

昨日有報導指陳炳銓甚得女士歡心，所以李佳芯主動要求同居方便監視。據知李佳芯拍拖年幾，前年跟蔡思貝做旅遊節目，跟喜歡行山的陳炳銓因找資料結緣。李佳芯最近受無線力捧，對感情事忽然低調，對外聲稱陳炳銓是好好朋友。除了對男友有一手，有傳李佳芯對監製都是嬌聲嗲氣，所以獲加重戲份，角色比資歷深的黃智雯更搶鏡。

撰文：非非
from:http://hk.apple.nextmedia ... 161005/19790912

廷伸閱讀/相關主題推介:

相關主題:李佳芯

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-10-23 17:46 發短消息

新劇爭做女一李佳芯鍊贏蔡思貝

5年前喺有線過檔大台嘅李佳芯(Ali)，雖然係有線幫，但由於唔係余詠珊愛將，機會並非手到拿來，最初只係被安排喺《名門暗戰》做二奶角色，不過憑住演技，李佳芯爬吓爬吓終於上到一線位，喺新劇《律政強人》榮升女一。

努力有回報，昨日有報道指李佳芯喺監製林志華新劇中，揮低大台御用女角蔡思貝，再次擔正，飾演法官嘅佢，近日已經刨定劇本記對白。據報道所指，新劇女一原定搵《EU超時任務》王浩信搭朱千雪冇得輸班底，但由於千雪BB要返學讀書，結果機會就落喺李佳芯同蔡思貝手中，最後林監製拍板起用李佳芯。

一個up and coming，一個機會俾到足，但演技仍屬初階班，呢個賽果，好合理。
from:http://hk.apple.nextmedia ... 161006/19792232

TOP

3^# 大中小 young 發表於 2016-10-23 22:34 發短消息

執二攤唔好咩？李佳芯爆紅做埋女神

王君馨喺之前套《城寨英雄》演技同口碑都唔錯，結果就係林夏薇辭演《超時空男臣》可以執二攤，繼續把握機會演出。正所謂「有糊唔食，罪大惡極」，把握到機會話唔定隨時紅得起，好似佢哋就好識珍惜喇。

陳展鵬、袁偉豪

講起《城寨英雄》「花曼」王君馨嘅兩位拍檔，「拳佬」陳展鵬同「牙佬」袁偉豪原來都係執二攤就男主角。「拳佬」原本由羅仲謙飾演，不過佢忙住同老婆楊怡結婚同拍大陸劇，交咗個波俾陳展鵬，而袁偉豪就取代咗沈震軒一炮而紅。

李佳芯

由有線過檔無綫嘅李佳芯(Ali)，喺最近嗰套《律政強人》做女一，拍住「張強」方中信同廖啟智，受歡迎程度直線上升。不過，原本佢個角色係由朱千雪擔正，但千雪BB準備放棄娛圈生活，喺城大讀兩年全日制法律博士課程，先俾到機會Ali上位。

黃翠如

愛情單元劇《愛情來的時候》今年播出第二輯，搵到少女男神周柏豪做其中一個單元嘅男主角，無綫拖咗好耐先宣佈話由吳若希做女一，不過華納彈鐘唔收貨，要由翠如頂上。

吳若希

由本地魔術師甄澤權（Louis）擔大旗嘅《街頭魔法王》系列，原本第二輯嘅助力許亦妮被指態度欠佳，得罪無綫被雪藏，吳若希就把握到機會上位，連續做咗第三、四輯嘅助手。

洪永城

無綫近年膠劇代表作《張保仔》，原本男主角預咗俾黃浩然，但係黃浩然拍攝期間感染「貝賽特氏症」，喉嚨發炎潰瘍被逼辭演，結果呢個近代著名海盜角色就由洪永城接手。
from:http://hk.apple.nextmedia ... 161017/19803588

TOP

4^# 大中小 young 發表於 2016-10-24 19:31 發短消息

踢走陳凱琳蔡思貝李佳芯為上位放棄愛情？！

大台新晉花旦李佳芯近日憑《巨輪II》被吳岱融掟錢鬧臭x一幕，而人氣急升，昨日周刊爆李佳芯喺年初同大台加簽咗5年合約，換取喺《律政強人》中擔正機會，結果就被佢成功跑出，就連新劇《踩過界》都係由佢做女主角，而備受力捧嘅陳凱琳同蔡思貝都要靠邊站。

不過，由有線過檔去大台、身為「余黨」成員之一嘅李佳芯，就被周刊爆佢最近俾大台高層余詠珊「照肺」，叫佢要同現時效力ViuTV嘅奀星陳炳銓要「保持距離」。李佳芯喺被照肺後就立即做嘢，對內就叫陳炳銓低調的，周刊引述陳炳銓身邊人士話，李佳芯冇話要分手，但就叫男友暫時唔好見住，不過陳炳銓似乎都已經打定輸數，預咗戀情凍過水，李佳芯亦已搬離兩人喺西貢嘅愛巢，，返筲箕灣娘家住。
from:http://hk.apple.nextmedia ... 161020/19806248

TOP

5^# 大中小 young 發表於 2016-10-30 16:37 發短消息

李佳芯自稱冇男友

李佳芯（右）和康華昨日出席醫學美容活動。

昨日李佳芯和康華出席銅鑼灣醫學美容院開幕活動，李佳芯指自己對外表要求不高，不打算整容，問男友是否喜歡現在的她，她斬釘截鐵說：「我冇男友。」被問到無綫棒打鴛鴦，迫令她跟ViuTV主持男友陳炳銓轉地下情，她說：「自己感情好低調，keep住朋友關係，朋友依然係朋友。」

另外，問到康華的感情生活，她說：「其實dry咗好多年，自己唔知點解，可能係比較悶，同睇電視嘅我唔同，好多朋友都會坦白同我講呢樣嘢。」

採訪：張俊銘
攝影：陳俊強
from:http://hk.apple.nextmedia ... 161029/19815561

TOP

6^# 大中小 young 發表於 2016-11-18 02:10 發短消息

著背心行山特別好feel？李佳芯：卸下濃妝回歸自然

最近被力捧嘅大台小花李佳芯，有傳佢被施壓，要佢同ViuTV主持男友陳炳銓轉地下情，雖然事後佢再三否認自己有男友，兼且唔認被「棒打鴛鴦」，之不過跟住又話李佳芯妒忌黃翠如。

報道話李佳芯同黃翠如素有積怨，呢個要追索喺有線時期，嗰陣翠如喺做娛樂主播，李佳芯已經係旅遊節目主持，人氣高過翠如，亦早過對方無綫，點知翠如同洪永城有高層照住，翠如眨吓眼就做女一，李佳芯就要捱上去，仲要俾人打壓戀情，反而翠如同蕭正楠可以名正言順拍拖，難怪佢覺得眼紅紅。

唔知係咪呢排太過煩惱，搞到李佳芯壓力好大，所以咪走咗去行山減壓，昨日李佳芯喺ig貼咗條行山片，行山素顏係常識吧！但係佢仲著住一件背心，好悠閒咁喺度行樓梯，佢仲留言話：「當精神太累，卸下濃妝、舒適衣著、隨意走動、回歸自然，就好。」之不過呢幾日又天氣都轉涼，如果佢真係著住背心行山，睇嚟好大壓力喎！
from:http://hk.apple.nextmedia ... 161112/19831443

TOP

7^# 大中小 young 發表於 2017-8-15 20:08 發短消息

李佳芯戀陳炳銓晒幸福

近年大台力捧嘅34歲李佳芯，同ViuTV主持陳炳銓拍拖兩年，有報道指大台有意拆散鴛鴦，舊年年頭李佳芯加簽5年合約，為保飯碗一方面承諾將戀情密冚，又搬番柴灣公屋娘家避嫌，不過真愛沒法擋，李佳芯同陳炳銓嘅感情有增無減，二人早前除咗搬到清水灣半島同居，近排更養咗隻狗仔「豆豉」，開始組織小家庭，而李佳芯日前喺社交網貼咗張高舉V字手勢嘅相，寫上「Follow ur heart，love bravely！」表示要愛得勇敢。

撰文：馮仁昭
from:http://hk.apple.nextmedia ... 170811/20117682

TOP