繼胡杏兒後，今年4月約滿的楊怡又有意離巢，原本無線意屬楊怡夥拍羅嘉良下月拍新劇，但因楊怡仍未決定去留，無線即從李佳芯、陳凱琳和黃心穎等挑選一人頂替。據本報接獲消息，無線最終落實由「有線幫」李佳芯演出。
嘉良自2009年拍完《富貴門》後已多年沒為無線拍劇，今次難得回巢，拍檔卻是資歷極淺和有欠知名度的新人，難免予人覺得她「襯唔起」嘉良。對此嘉良昨透過微信回應：「我覺得冇所謂，同新人拍冇問題，阿佘（佘詩曼）、楊怡、胡杏兒都係以前新人嗰陣時我同佢合作過，所以同新人合作應該有新嘅火花。」
被傳是余詠珊愛將的李佳芯，2012年由有線過檔無線後機會不絕，繼《律政強人》後，下月將是她二度擔女一，李佳芯昨說：「監製搵我傾過一次，大概知個古仔講乜。」與嘉良合作可感壓力？她說：「拍劇係做番自己、做好自己，唔會有乜嘢特別壓力。」
採訪：魯吉
羅嘉良期待與新人合作有新火花。資料圖片
有傳楊怡離開無線，疊埋心水嫁羅仲謙。資料圖片
From:
http://hk.apple.nextmedia ... 160213/19489126
