黃伊汶以性感打扮出席內衣騷，支持好友。
黃伊汶、莫可欣、何國鉦和盛品儒等昨日出席會展舉行的內衣騷，李成敏任模特兒示範自家設計性感內衣，黃伊汶亦以性感打扮支持好友。她說：「今日我都着咗公司品牌最性感嘅裙出嚟，希望我哋品牌服裝成熟時，再同呢個品牌合作。」着得性感老公反應如何？她說：「佢剛才有過目，問我乜料，同埋問有冇打底，我話完騷會除。」
李成敏透露鍾意性感透視款式內衣。
李成敏首次設計內衣兼行騷，她跟不同品牌合作累積經驗，希望將來擁有自家品牌。今次設計有性感、運動、可愛和高貴原素，本身鍾意性感透視款式，問到滿意自己身材嗎？她說：「唔滿意，每日都要做運動，一日冇做，第二日就做雙倍，最緊要令身心健康。」
採訪：馬建華
攝影：陳俊強
from:
http://hk.apple.nextmedia ... 160909/19764714
