現年38歲的陳國坤（小龍）與32歲、余文樂舊愛黃伊汶（Emme）拍拖四年，感情穩定，小龍前晚與「田雞」田啟文到柴灣擔任nowTV節目《球分》嘉賓，再提起婚事時，他坦言：「我都想盡快，人哋肯嫁先得㗎！」小龍笑言日日有求婚：「我鍾意小朋友，自己年紀唔細，會趕啲，唔會生咗先結，𠵱家努力搵錢儲緊老婆本，希望今年內結，但唔會喺香港結。」
誠意打動芳心
小龍稱有跟女友正面提過婚事，他直認求過婚：「女仔係想多啲安全感，我求咗婚，只係欠個期。」至於求婚鑽戒有幾卡，小龍不願透露，只說：「誠意搭夠啦，女友係難得嘅好女仔！」
陳國坤、黃伊汶06年在《功夫無敵》合作而撻着，現已達談婚論嫁階段。
陳國坤前晚透露向黃伊汶求婚成功，望今年內結婚。
雖然男友開到聲催婚，但黃伊汶講明嫁期未定。資料圖片
黃伊汶曾與男友陳國坤拍拖逛地產舖。
《一週刊》圖片
雖然小龍心急結婚開口催婚，但Emme昨日接受本報電話訪問時，卻氣定神閒說：「我哋穩定發展，但未有計劃結婚，更加唔係今年嘅事，𠵱家都8月啦，感覺到隨時會結。」那小龍是否已求婚成功？Emme說：「係有傾過結婚，但呢排擺低咗冇再傾，呢排開咗新舖好忙，今年冇可能結。」Emme相信大家誤會男友的意思，至於會否明年結婚，Emme表示暫時未知。
陳國坤、田啟文出任《球分》節目嘉賓，二人揚言不愛賭波。
此外，任《球分》主持的黃婉曼抱恙開工，她透露稍後會出書教人籌備婚禮，問到會否也為自己準備？黃婉曼笑言：「都順便為自己準備吓。」
from:
http://hk.apple.nextmedia ... 130818/18383383
