鄭希怡Yumiko折現賀黃伊汶

鄭希怡（Yumiko）昨日到新城電台宣傳新碟，她透露後日出發到峇里出席好友黃伊汶與陳國坤的婚禮，擔任姊妹團的Yumiko說：「未必有得玩新郎，但都會用自己嘅方法嚟玩。」Yumiko會以現金作賀禮，她認為是最有用的禮物。而剛離婚的何嘉莉亦會以姊妹身份出席，Yumiko說：「佢應該冇影響心情，喺黃子華個騷見到佢。」對於何嘉莉與Moiselle太子爺陳栢熹傳緋聞，Yumiko回應：「唔知，我覺得唔會。」

對於林峰將加入英皇，跟她做同事，Yumiko笑指一直覺得林峰是英皇的一分子，不覺得他曾離開過，希望有機會合作。

採訪、攝影：張俊銘
from:http://hk.apple.nextmedia ... 141022/18907660

鄭希怡（Yumiko）自從嫁咗畀化妝師老公梁學儲（Andy）之後，佢嘅新婚生活一直都好寫意，除咗做吓啲唱片宣傳工作之外，大部份時間都用嚟陪老公。前排見到Yumiko同Andy十指緊扣喺銅鑼灣拍拖，Yumiko好悠閒咁拎住杯果汁，邊行邊飲，行到希慎廣場後面嗰幾間金舖，兩公婆企喺櫥窗度研究啲金器，見到佢哋對啲金牌好似好有興趣，擾攘咗一輪就蹺晒手走人！

【金舖企定】
Yumiko（左）、Andy（右）
DV圖片

【沿途密斟】
Yumiko（右）、Andy（左）
勁買護膚品

跟住Yumiko同老公行咗去時代廣場，Yumiko上咗三樓間雪花秀買護膚品，佢喺舖頭試咗一輪，揀揀吓見到俾人影緊相，佢哋都冇理繼續濕平，最後仲拎住一大袋戰利品走人，臨走仲好大方同記者打招呼。之後佢哋去咗皇室堡附近嘅HMV，不過今次佢哋唔係睇吓新碟銷情，反而係研究耳筒，但佢哋同個sales研究咗差唔多15分鐘，結果都係空手而回。

Yumiko好留神咁睇護膚品，做咗師奶都要keep住狀態嘛！

Yumiko細心揀護膚品，Andy已贒到門口有記者影相。

Yumiko同老公（右）行唱片舖，唔知係咪買耳筒聽自己啲新歌？

DV圖片
另外，噚日有報道話Yumiko造人成功，不過因為未過安全期，佢只係同身邊幾個閨蜜講呢件喜訊，但係撞正呢期唱片宣傳，為免有所影響，勁愛着高踭鞋嘅Yumiko都改着平底鞋。

採訪、攝影：畢紹基、陳辰
from:http://hk.apple.nextmedia ... 141023/18908892