1.用最好手法捉野外小精靈
原來，拋精靈球唔係「話拋就拋」咁簡單，唔同拋法，都有唔同嘅經驗值。好似平時捕捉小精靈就會+100 經驗值，但如果用「圓滑丟球姿勢」，即係大圈命中(NICE)，就會+10 經驗，「華麗丟球姿勢」，中圈命中(GREAT)+50 經驗，而「最華麗丟球姿勢」，小圈命中(Excellent)就會+100 經驗值。而曲球(CurbeBall)，即係手指點拿著球旋轉之後側丟，咁精靈球會出現星星，成功拋中額外＋10 經驗。所以，捕捉一隻小精靈，用岩方法最高可得(100+100+10)210 經驗。
另外就係AR 啦，關閉AR 對好多人來講，距離更容易估摸，浪費較少精靈球就可以抓到小精靈。
2.櫻花Pokemon Shop
有時突然係地圖上面見到有飄住櫻花嘅Pokemon Shop？原來係有其他玩家開咗「誘捕模組（Lure Module）」。如果見到櫻花，就代表嗰個Pokemon Shop 會有大量小精靈引誘過來，所以可以過去一齊碰下運氣。不過，要小心火箭兵團啊！
3.有幸運蛋先升小精靈
一開頭唔好咁快將小精靈升級、進化。原來，訓練員級別達到lv 9 嘅時候，就會送幸運蛋（Lucky Egg），幸運蛋代表30 分鐘經驗值加倍，個時配合埋引怪香（Incense）來用，即係係30 分鐘內，吸引野生小精靈到自己位置，咁就可以大量捕捉小精靈。屆時升級小精靈獲得新圖鑑，有＋500 經驗，咁樣做可以段時間內快速獲得經驗值升級。
4.唔課金就每日打道館吧！
背包對於訓練員來講好重要。背包基本格為350，其中2 格被相機和基本孵蛋器永久佔著，而小精靈基本儲存量為250，如果想儲夠精靈球抓小精靈，唔想課金嘅最好方法係打道館，每日上限10 個道館，得到比卡超幣就可以買背包，道具啦！
http://www.e-zone.com.hk/channelnews.php?id=16710
