卓韻芝覺得網絡23條有很多灰色地帶，睇完都不明白怎樣可以入罪。
卓韻芝棟篤笑《飲嘢叫埋卓韻芝》前晚在中環添馬艦舉行，身為商台前員工，她一定有留意叱咤，講到Wyman寸爆「網絡23條」，阿芝說：「根據政府形容係可以代表我去告我自己，但係其實唔知佢哋係點樣執法，唔知佢哋用幾多警力去做呢件事，唔知會唔會係殺一儆百，實有人中招，作為創作人一定會好迷惘，當然創作人梗係想捍衞自由喇！唔會因為二次創作唔俾人去改我嘅嘢，唔可以咁樣雄霸個創作。」
阿芝亦覺得好迷惘：「法律係有恐嚇作用，唔知會唔會好易踩界，睇完都唔明白點樣先入罪，自己會覺得好多灰色地帶，自己棟篤笑玩番自己都唔得，唔係反對法律存在，𠵱家係要講清楚件事。」
採訪：王連連
攝影：陳俊強
from:
http://hk.apple.nextmedia ... 160104/19437871
