周秀娜娜姐孖卓韻芝守齋

周秀娜、趙勁皓（King）、喇英及盧頌之等，前晚在中環宣傳新戲《爆3俏嬌娃》，不過娜姐打扮密實欠睇頭。娜姐透露在戲中要穿高踭鞋拍打戲，十足之前無綫劇《神鎗狙擊》中扮女警的徐子珊，但子珊結果被網友嘲笑，會否擔心成網友取笑目標？娜姐謂：「我哋係喜劇，搞笑多。」娜姐又聲稱導演卓韻芝拍攝時全不愛錫女演員，搞到她想拿手袋打卓韻芝。

娜姐前晚宣傳《爆》片即場肉緊和卓韻芝（右）拗手瓜。

卓韻芝和僅穿內褲的男模在床上拍宣傳相。

拍此戲時娜姐剛巧情變，她和卓韻芝同被笑守齋，娜姐謂：「係，守齋日，其實有人追，但我冇時間，如果係追要明示，冇表示係朋友箒，𠵱家全部係朋友。守齋都OK，唔心急，但有時受傷都想有人呵，但𠵱家連諗嘅時間都冇。」

此外，卓韻芝將於12月假灣仔伊館舉行「床上哈哈笑One Night Stand」棟篤笑，日前她和英籍男模一同拍床上宣傳相，齋爆的她出手幫男模除衫，最後更除內褲，她亦看似全裸，色香味俱全。
from:http://hk.apple.nextmedia ... 131018/18468523

性感女神周秀娜（Chrissie）近日與杜汶澤在電影《爛滾夫鬥爛滾妻》飾演爛滾角色，當Chrissie遇上阿澤，她不停引誘他，卻嚴禁阿澤與她親熱100日，絕對是終極考驗！Chrissie說：「戲中講我哋兩個都好花心，我同佢瞓埋同一張床，但唔畀佢掂，而且100日唔准佢掂其他女仔，我用盡好多方法引誘佢，試吓佢忍唔忍得住。」

周秀娜指角色性格與自己相似，若然遇到好條件的男友，便不會再接受新嘗試，她說：「遇到一個自己好鍾意嘅話，我會同佢結婚，𠵱家未有一個人畀我咁試，未有一個人可以嚟我屋企住100日。」

Chrissie表示若當初認識時，該男人已是爛滾友，她能夠接受：「或者佢滾得小心啲，唔好俾我知就得。男人花心就梗，係天性嚟，至少大家互相呃，媽咪成日同我講，兩個人一齊都係呃呃𠱁𠱁就一世，至少你要令隔籬嗰個人開心，你要滾得高明啲，你要呃佢一世。」Chrissie表示，男友的外形不重要，外表只是促進去了解對方的因素。

自言是徐錦江接班人的杜汶澤，未能一親周秀娜香澤。

娜姐在《爛》片中雖與阿澤同床，但眼看手勿動。劇照
悲劇收場

Chrissie經歷情傷令心態改變，相信凡事不能強求：「都會想同一個人開心拍拖，我由頭到尾對結婚都冇憧憬。結婚好大責任，要同另一個人生活，我連同居都冇試過，如果要同另一個人生活，個生活習慣要改變好多，我未有心理準備，都冇諗過結婚，細個想過22歲結婚生仔，但係𠵱家社會環境，我唔知25歲原來咁快就到，𠵱家目標唔同咗，但未到自己想要嘅成績，要試嘅嘢仲有好多。」Chrissie自言已準備迎接新戀情：「係冇時間發展箒，冇話追唔追，都係朋友，或者等一個好有耐心嘅。」

阿澤之前拍攝的《低俗喜劇》、《飛虎出征》，到今次的《爛滾夫鬥爛滾妻》及拍攝中的《豪情3D》，皆列三級，名副其實「三級男星」，他表示拍畢《豪情3D》後便會「收斂」。在戲中被Chrissie極力引誘，看似艷福無邊，不過阿澤說：「對我嚟講係悲劇，要我喺戲度100日唔搞佢，講點樣引誘我又唔畀我搞，不過我同其他女仔有好多好激嘅床戲，搞吓搞吓，我好似徐錦江接班人。」
from:http://hk.apple.nextmedia ... 131018/18468521