翠如前晚與許志安齊齊賀新一年，提起男友蕭正楠不時甜笑。
【荃灣】昨日是2016年新開始，藝人前晚紛紛出席倒數活動搵銀！蕭正楠和黃翠如這對蜜運中的情侶分道揚鑣現身荃灣區內的活動，兩人只是一街之隔，翠如透露收工後，會相約由外國返港的朋友慶祝，然後再會合男友一齊玩。
38歲的蕭正楠早前揚言40歲前要成家立室，翠如對此反應甚大，她說：「佢講嘅，問番佢，我都呆咗，等佢諗。」會否配合男友大計？她笑說：「睇佢表現。」如果男友求婚是否即刻答應？她甜笑說：「冇諗過。」她自言喜歡簡單的求婚過程，而父母沒有向她催婚，因為對上的家姐未嫁。
蕭正楠怕太快提出結婚生仔，會嚇親翠如。
唔會未婚生仔
蕭正楠於聖誕節被影到拿住鮮花及蛋糕，更傳帶埋鑽石戒指跪地求婚成功，他前晚表示禮物是fans送的，只是剛好被拍到，至於是否有意在明年迎娶翠如？他說：「唔係，我話想啫（40歲結婚），但都要人哋肯嫁畀我先得㗎，十畫未有一撇。」蕭正楠自稱是傳統男人，不考慮未婚生仔，雖然自己好羨慕友人生小朋友，但怕拍拖一年多就提出結婚生仔，擔心會嚇怕女友。而許志安、林夏薇、譚凱琪等前晚與翠如同場，林夏薇的新婚老公莫贊生亦現身觀眾席撐場。安仔和林夏薇被追問新年願望是否想生BB？兩人異口同聲表示順其自然。
採訪：馬建華
攝影：陳順禎
from:
http://hk.apple.nextmedia ... 160102/19435784
