蕭正楠黃翠如預演婚禮

1^# 大中小 young 發表於 2016-2-7 20:12 發短消息

蕭正楠昨日與女友黃翠如為新劇拍結婚戲，被取笑是預演婚禮。

蕭正楠昨日與女友黃翠如在淺水灣為新劇拍結婚戲，同場還有黃宗澤（Bosco）及張繼聰等，二人被取笑是預演婚禮，翠如直言不想有預演的感覺，她笑說：「如果咁講就唔係太好，因為劇情話我結完婚之後，會同Bosco有親密接觸。」蕭正楠則笑說：「我已經打咗佢（Bosco），佢搶走我老婆。」他坦言感到尷尬，結婚是一生人一次，不想在戲內演了出來。

Bosco（右）自爆近日黑氣纏身，頸骨移位又撞傷肋骨。

Bosco自爆近日黑氣纏身，繼早前頸骨移位後，前日又不慎在浴室跣腳撞向浴缸，撞傷了肋骨，之前做運動又弄傷手肘。另外，張繼聰被問到老婆謝安琪（Kay）內地巡唱被取消，是否已回覆心情？他說：「心情冇咩，希望佢好好享受呢兩場演出，之後好好休息喺屋企做金絲雀。」

撰文：陳以晴
from:http://hk.apple.nextmedia ... 160204/19477954

廷伸閱讀/相關主題推介:

相關主題:黃翠如蕭正楠婚禮

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-2-22 21:12 發短消息

蕭正楠

蕭正楠表示與黃翠如情侶檔酬勞好好，不介意將酬勞給予翠如。

蕭正楠（Edwin）與黃翠如首次情侶檔出席商場新春活動，同場還有組合Super Girls。大會安排Edwin、翠如與情侶獅合照，而兩人在台上不停打情罵俏，翠如更多次甜蜜凝望男友，Edwin則為女友獻唱《感激我遇見》。

他們透露初一已到雙方家中拜年，翠如笑謂與未來奶奶打牌時故意鬆章。如何慶祝情人節？翠如說：「我哋一陣拍外景，不過佢話好掛住曹永廉，仲成日同阿廉講電話，我嬲㗎。」Edwin笑指翠如呷阿廉醋，翠如自嘲是第三者：「我叫阿廉做姐姐㗎。」他們又謂情侶檔酬勞好好，Edwin表示意義重要過錢，又笑謂不介意將酬勞給予翠如。

採訪、攝影：盧妹
from:http://hk.apple.nextmedia ... 160215/19491070

TOP

3^# 大中小 young 發表於 2016-2-27 18:38 發短消息

翠如送禮正楠嫌棄

黃翠如指蕭正楠送的飾物有平有貴，平時會將飾物戴上身。

黃翠如昨日在中環出席首飾品牌發佈會，跟蕭正楠（Edwin）拍拖一年被問到男友有冇送飾物？她說：「有，有時佢喺飛機見到都會買，我有個盒仔專裝起佢送嘅飾物。」翠如對男友送的禮物珍而重之，還笑笑口說：「係佢送就得，品味都唔差，我真係會戴到，佢仲鍾意揀花形狀飾物。」價錢方面？她說：「有平有貴，我哋唔希望送太貴，唔好寵壞大家，其實價值唔重要，我鍾意將佢送嘅飾物戴喺身，但佢從來都唔戴，佢話唔鍾意有嘢箍住，覺得唔舒服。」提到下月14日是白色情人節，翠如表示當日會跟男友一齊開工度過。

採訪、攝影：黃曉妍
from:http://hk.apple.nextmedia ... 160227/19507410

TOP

4^# 大中小 young 發表於 2016-10-23 22:28 發短消息

蕭正楠嘆強姦戲男蝕底

蕭正楠昨日凌晨一面鬍鬚造型開工，提到他擔正的《巨輪II》中，吳岱融兩度企圖強姦繼女陳凱琳成焦點，他大讚對方出色：「始終喺劇中係繼父、養女嘅關係，所以唔可以太過份，點到即止，每次拍強姦戲，男係慘過女，男又怕摸到人，覺得佢博懵，拍強姦戲男仔係蝕底啲。有場佢望住個女，去攬個女時，個心態係有獸性喺裏面，呢個係非常之出色。」
from:http://hk.apple.nextmedia ... 161016/19802036

TOP

5^# 大中小 young 發表於 2017-7-10 19:05 發短消息

蕭正楠「艷照」曝光真係索過翠如BB？

星期日，悶悶哋，搵啲嘢嚟睇吓笑吓度過happy Sunday實屬正常。

出名係愛妻號好男人嘅曹永廉昨日喺Instagram度貼咗張女相……咦？咪住，相中女子好「健碩」吓，真係女嚟嘅？

睇真啲，曹永廉落咗佢老友蕭正楠個tag，仲留言話：「見到呢張相有嘔吐感覺屬於正常，有想打佢衝動亦合理」哦，原來係蕭正楠扮女！

客觀嚟講，實在唔可以用靚女嚟形容女裝蕭正楠，不過有網民讚「我覺得好靚wor」、「都唔錯啊，有前有後，女人有嘅佢都有，女人無嘅嘢佢都有喎」，而亦有網民話「的確有想嘔吐」、「驚嚇程度十級」。

另有唔少藝人留言，其中唐文龍話：「可能開始有泰國市場」、李施嬅亦表示：「做乜咁睇唔開呀？」，而裕美同雷頌德太太Jade則留咗幾個哈哈笑嘅emoji，的確好歡樂。

不過，有更多嘅係有網民不忘tag黃翠如，慌死翠如BB睇唔到男友張美艷照咁；亦有唔少網民回應番曹永廉，指自己的確好想打人，但想打嘅係po相嗰位……
from:http://hk.apple.nextmedia ... 170710/20084879

TOP

6^# 大中小 young 發表於 2017-7-19 19:49 發短消息

蕭正楠墮30呎頭落地

無綫新劇《超時空男臣》已於周一首播，近日網上流傳一條蕭正楠反串女裝，喺逾30呎陽台被一腳踢落地嘅影片，蕭正楠隻腳俾威吔線絆倒，失平衡搞到頭先落地，瞓喺榻榻米上唔郁得，監製同曹永廉等都上前慰問。噚日蕭正楠接受傳媒訪問話一額汗：「我頭落地充晒血，條頸硬晒，頸傷可大可少，兩個鐘後好似唔太嚴重，再拍多場簡單文戲，當瞓醒一條好漢。」

撰文：馮仁昭
from:http://hk.apple.nextmedia ... 170719/20093979

TOP