汪明荃和鄭少秋前晚續為顧嘉煇尾場慈善騷演出。
顧嘉煇前晚尾場紅館騷，壓軸嘉賓依然是阿姐汪明荃和秋官鄭少秋。穿上十足魚鱗閃珠片裙的汪阿姐，就話朋友覺得她似美人魚，說時還華麗轉身一下，好彩阿姐今次馬步夠穩，未再有驚驗場面出現。其間她見到台下坐着的前經濟發展及勞工局局長葉澍堃，竟爆seed說：「多謝你對香港作出咁多貢獻，你畀多啲意見𠵱家啲官啦！因為真係完全唔掂！」博得全場歡呼聲！
台上強調自己講實話的阿姐，騷後接受訪問時卻改口話係講笑，她說：「𠵱家好多人對政府有意見，所以我頭先都係講笑，因為代大家一齊出吓氣咁囉，啲觀眾都好好反應，所以啲官、特別係啲領導，都應該多啲聽。」
採訪：黃曉妍
攝影：仇志德
from:
http://hk.apple.nextmedia ... 160229/19509689
