家英哥日前在微博大曬與汪阿姐共度中秋的合照，十分溫馨。
現年67歲的羅家英，在05年證實患有第三期肝癌，需要動手術切除部份壞死的肝臟，在今年2月家英哥再度秘密入院，接受最新「高速螺旋放射治療」，切除腫瘤，並由兩位名醫「換肝之父」范上達醫生和肝科權威吳國際醫生會診。有報導指家英哥當日切除腫瘤的手術長達8小時，留下一條7吋長的疤痕，手術後三個月傷口仍隱隱作痛，不過上週三有媒體拍到家英哥現身九龍灣足球場踢波，記者昨致電家英哥，在電話傳來一把響亮的聲音說：「應該復原得幾好，但個人冇乜精力！」
回歸明星足球隊
家英哥大病初癒，精神有點疲累，不過最近他正式回歸明星足球隊，在球場上表現活躍，他說：「都有嘅，儘量參加喇！跑嚇喇！自己跑就好悶囉！一齊追嚇跑嚇就好玩好多，有遊戲嘛！」早前譚詠麟表示家英哥落場帶波，所有人會自動分開成一條紅海，家英哥聞言後嘻哈大笑：「哈哈哈！都有啲嘅，大家個個都就住我，我唔係比賽，自己友誼咁玩嚇，私人冇所謂。」家英哥表示今年主要是休養生息，大戲都不會接，他說：「主要休息嚇，喺屋企坐嚇咁，睇嚇電視。」有說太太汪明荃減產陪家英哥休養，還結伴一起去旅行，家英哥否認說：「唔係喎！佢工作好多，今年特別多，都冇計划去旅行。」
採訪：非非
From:
http://hk.apple.nextmedia ... 140912/18863053
