汪明荃（阿姐）4月中會在紅館舉行兩場百老匯式歌舞喜劇《真係阿姐─汪明荃》，昨日她偕同羅家英、廖啟智及高志森等在九龍站出席記者會，阿姐與家英哥公然大耍花槍。
同阿姐鬥嘴
汪明荃悉心打扮，舉手投足都相當風騷。
創作總監高志森指今次演出不能沒有羅家英，阿姐插嘴說：「係，啲人鍾意聽佢（羅家英）講我啲衰嘢！」家英駁嘴說：「唔好信汪小姐。」阿姐反擊：「唔通信你呀！」家英突轉軚說：「我鍾意讚賞佢，我講嘅都係事實，冇講半句衰嘢，唔係就天誅地滅俾火燒。」阿姐隨後轉話題指廖啟智離開無線好可惜，家英又多口說：「算數啦，呢間公司唔做都罷。」此外，談到最近爆出無線有「魔術鹹豬手」及官恩娜指某男藝員抽水，阿姐說：「大家講嘢要負責任，講嘅要係事實，唔係就唔好講，以為講到咁可以登到新聞，但影響咗人都唔知。」採訪、攝影：魯萍
阿姐將在舞台劇上和羅家英（左）及廖啟智合作。
http://appledaily.atnext. ... art_id=12185029
