要成為「宅男女神」，首先要識得點「吸睛」引網民關注，藝人當中以吳若希，最識善用網上平台，唔止成日喺facebook玩直播，仲好鍾意po生活相，同fans分享生活點滴，吳若希近日喺「慈雲山鄭列瓊facebook」專頁，被網民票選為2015年度最討厭藝人排第六位，一向EQ高嘅吳若希噚日笑言話自己輸咗咁渣，仲話老是常出現係想大家留意佢!
吳若希昨日喺網上又出「奇招」針灸緊都要自拍，留言：「除了針喉嚨，今天還有肩膀跟股內側肌⋯⋯」股內側肌即係大腿內側嘅位置，真係估唔到拮支針都要講得咁detail，相中所見，吳若希個肚拮咗好多支針，仲高難度晒腰，令唔少網民想入非非，有網民留言：「呢種攝影技巧真係好堅!」另一網民寫道：「針緊都可自拍，你都得了。」
其實，吳若希久唔久就出啲奇怪post，早前拍《實習天使》開工嗰陣，就有一張相喺度無啦啦錫鉸剪扮cute，又試過坐喺梳化晒長腿留言：「純post相，請大家想一句caption，字數不限，話題不限。」當然啲網民留嘅言都係講下啲衰嘢，有fans就問：「其實明知會咁嘅feedback點解仲要咁做呢？」佢數個月前又po過著護士戲服坐喺道具床，而被醫護人員鬧爆!
為咗想大家留意，真係唔好問「典解」咁多「好打耳」嘅post!!
from:
http://hk.apple.nextmedia ... 151210/19406494
