劉青雲任金像獎司儀

1^# 大中小 young 發表於 2015-12-6 03:22 發短消息

相關主題: 金像獎

爾冬陞前日在微博上載與劉青雲及幾位友人飯敍相片，並留言說：「正式宣佈，2016年4月3日舉辦的35屆『香港電影金像獎』主持人是……噔噔噔……劉青雲先生！」還搞笑地叫傳媒快點公佈，免青雲反悔。

被宣佈做司儀的青雲，在相片中用手托著腮對鏡頭儍笑，不少網友就爾冬陞公佈這個消息十分關注，還立即留言追問是真是假，同時有網友提意可以找吳鎮宇、黃秋生及黃子華一齊做。事後金像獎宣佈青雲已答允任司儀。

撰文：小米
from:http://hk.apple.nextmedia ... 151205/19400139

廷伸閱讀/相關主題推介:

相關主題:金像獎

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-12-6 03:38 發短消息

劉青雲任下屆金像獎司儀

香港電影金像獎協會昨宣布，兩屆金像影帝劉青雲將於下年的第35屆香港電影金像獎頒獎禮任司儀。青雲好友、香港電影金像獎董事局主席爾冬陞前晚在微博率先爆出青雲任司儀一事：「請媒體朋友快點公布，免他反悔！」

青雲將任下屆金像獎主持。

而青雲早前在電影《消失的兇手》與林家棟合作，家棟直言其中一場戲是近年演得最辛苦，更指拍攝時被青雲的好演技逼到休克：「三分鐘一個鏡到尾，要跑、痛、叫，最後只能用呼吸嚟演戲，真係演到休克。青雲嘅好演技畀到壓力我，將我演出嘅情緒帶出嚟。」

青雲（右）與家棟為《消》片付出不少。
from:http://orientaldaily.on.c ... /00282_013.html

TOP

3^# 大中小 young 發表於 2015-12-9 23:55 發短消息

劉青雲冇嘢講做司儀有壓力

藝人劉青雲和古天樂等昨晚在尖沙咀出席新戲煞科宴。講到劉青雲將擔任「第35屆香港電影金像獎頒獎禮」的司儀，他即指找他的爾冬陞夠大膽，更笑言不知道司儀該做甚麼：「有壓力o架，講嘢係我最唔擅長嘅嘢。」問準備做最少說話之司儀的他會否找老婆郭藹明幫手？他就耍手擰頭：「咁會變二人騷。（搵古天樂？）大家都冇嘢講，都得嘅。」又指自己不會指定拍檔：「獻醜不如藏拙，不過我就揀咗獻醜，我唔會拖兄弟落水嘅。」

劉青雲謙虛表示要獻醜做「金像獎」司儀。

至於老友古天樂就直言想睇對方做司儀，但不會幫手：「我就更加唔識講嘢啦，驚個騷會好悶！」又指對方有足夠幽默感。

古天樂認為青雲有幽默感。
from:http://orientaldaily.on.c ... /00282_013.html

TOP

4^# 大中小 young 發表於 2015-12-10 00:06 發短消息

青雲任金像司儀賴低老婆

青雲（右）答應任金像獎司儀，身旁的古仔即大讚青雲合適。

劉青雲、古天樂等昨晚出席電影煞科，青雲透露獲第35屆香港電影金像獎邀任司儀，自己大膽應承了，他說：「咁大膽搵我，都思考咗一段長時間，呢個係責任，都有壓力，因為我唔知要做乜，我最唔擅長講嘢，但都覺得應該要做。」問會否叫好友黃秋生、黃子華過兩招？他笑說：「過兩招都冇用，無謂拉兄弟落水，既然咁大膽搵我做主持，我膽大妄為應承，唔知會遇到乜困難。」

問會否跟太太郭藹明做拍檔？青雲反對：「咁咪變兩個人嘅騷，呢個係金像獎，唔係賣情侶，冇錢收，義工嚟。自己諗緊獻醜不如藏拙定向前踏一步，最後決定應該試吓。」而古仔被問到會否跟青雲合作做司儀？他說：「我更加唔識講嘢，搞到金像獎嗰晚好悶，青雲好幽默，佢做司儀真係好突破。」

採訪：曹家誠
攝影：陳志嵐
from:http://hk.apple.nextmedia ... 151209/19404404

TOP

5^# 大中小 young 發表於 2016-3-28 22:02 發短消息

青雲搵古仔填命

青雲活捉飾演奸險少帥的古仔，誓要為村民報仇。

劉青雲、古天樂主演的電影《危城》，由《絕世好bra》系列所飾演的難兄難弟，一轉而成生死相搏的死對頭。自從《殺破狼2》之後，古仔走上奸角之路，今次繼續再演奸角，於最新曝光的《危》片預告片中，飾演軍閥少帥的古仔，因為殺了3個村民，被青雲飾演的村保安捉拿兼要殺人填命，但古仔依然笑得好奸。

陳木勝導演的電影，當然少不免動作場面，一向甚少拍打戲的青雲都要在《危城》中親身上陣，彭于晏和吳京亦有不少動作場面。故事發生於民初，但仍然加入了陳木勝最愛的爆破場面，當中好有日本導演黑澤明的《七俠四義》感覺。最令人拍案叫絕的是片尾黐了鬚的彭于晏，依然不忘對鏡頭自讚一句「靚仔」。

撰文：李森
from:http://hk.apple.nextmedia ... 160313/19527275

TOP

6^# 大中小 young 發表於 2016-3-30 16:31 發短消息

青雲開金口賀杜Sir

（左起）韋家輝與劉青雲合唱，杜琪
杜琪峯（杜Sir）創立的銀河映像公司，日前舉行了20周年盛宴，林建岳、向華強夫婦、林小明、鄭秀文、楊千嬅、劉青雲郭藹明夫婦和任達華等出席。杜Sir在台上感言：「喺銀河映像最低潮時，冇人肯去投資、幫忙嘅時候，得向生向太肯企出嚟撐，冇佢哋，銀河映像根本唔能夠繼續落去。仲有多謝林建岳先生和林小明先生，冇你哋嘅支持，銀河映像唔會去到咁遠。」

杜Sir又點名游乃海接班，杜Sir和韋家輝以後會專心做製作，不會再理太多公司行政事務。杜Sir又安排了一隊live band助興，他和鄭秀文及楊千嬅排隊獻唱，連劉青雲也忍不住與韋家輝合唱一曲娛賓！

撰文：鍾國仁
from:http://hk.apple.nextmedia ... 160329/19547933

TOP

7^# 大中小 young 發表於 2016-5-27 22:34 發短消息

青雲尷尬講馬浚偉

劉青雲（左）同謝霆鋒最新作品《驚心破》，原來馬浚偉（馬仔）喺唔知情嘅情況之下「被客串」。事緣戲入面青雲個名叫「車家偉」、霆鋒就叫「馬進」，試戲嘅時候青雲都仲好地地，點知正式時佢居然同霆鋒講：「我係馬浚偉」，搞到霆鋒都反問：「馬浚偉?」現場隨即爆笑，尷尬嘅青雲猛同人講咗幾次：「千祈唔好話畀人知。」唔知馬仔會唔會考慮收番客串費呢。

撰文：馮仁昭

馮仁昭
from:http://hk.apple.nextmedia ... 160527/19628950

TOP