李丞責劉倩婷成功陀猴B

1^# 大中小 young 發表於 2015-11-28 23:56 發短消息

相關主題: 劉倩婷

恭喜恭喜！現年29歲、09年港姐冠軍劉倩婷前年下嫁堪輿學家李丞責，過了兩年二人世界後，本報收到消息，劉倩婷近日成功懷孕，準備明年生猴BB。

早於今年初，47歲李丞責已表明恨生猴B，原因是自己本身屬猴，肖猴的BB和自己及太太都很夾。想不到他們坐言起行，劉倩婷不停進補增肥，除了在年初四擺兒童碗筷催旺人丁，又上武當山拜神求子，李丞責更為仔女諗定靚名。

李丞責於今年4月去武當山拜北帝，順道求子。微博圖片
疑一索得男

記者昨日致電李丞責，他最初表現驚訝，支吾地說：「你哋點知㗎？其實有計劃嘅，我唔想Sandy（劉倩婷）太緊張，唔想咁多人搵佢，所以先唔講。（𠵱家幾多個月？）唔……都喺度努力緊！（知道仔定女未？）你睇我咁有信心就知啦！（係仔？）嗱，我冇講呀！你哋唔好亂估呀！」事後劉倩婷以WhatsApp回覆記者說：「丞李貴言，努力當中，希望盡快有喜訊和大家分享，多謝你們一路關心、祝福、支持。」

其實劉倩婷陀B早已有跡可尋，以往兩夫妻經常孖公仔現身公開活動，但最近數月就只有李丞責單拖出席活動，甚至劉倩婷母親在9月於上環開車仔麵檔，開張當日李丞責亦要代太太撐外母場。可見李丞責十分保護懷孕的太太，以免有閃失。

採訪：王梓嫚
from:http://hk.apple.nextmedia ... 151128/19390951

廷伸閱讀/相關主題推介:

相關主題:劉倩婷

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-3-29 16:32 發短消息

李丞責B女已秘密出世

新手爸爸李丞責指囡囡似十足媽咪劉倩婷咁靚。資料圖片
堪輿學家李丞責的港姐冠軍老婆劉倩婷，去年6月成功陀猴B，預產期原定在本月中，但原來劉倩婷早前已秘密入院分娩，成功為李師傅誕下足磅猴B女，日前母女已出院。

第一次做爸爸的李丞責，連日不斷向身邊老友報喜話自己生了B女，個樣似十足媽咪咁靚。新手爸爸還說自己這幾天忙湊B，晚晚都很夜才睡覺。

其實李丞責和老婆最初陀B，一直沒有對外公佈，直至懷胎6個月被本報踢爆，李師傅才肯認快做爸爸，如今誕下B女，出了院都沒有人知，兩公婆繼續玩神秘。

採訪：王梓
from:http://hk.apple.nextmedia ... 160320/19536763

TOP

3^# 大中小 young 發表於 2016-3-29 16:48 發短消息

老婆生完獎再生李丞責買樓贈囡囡

李丞責感激太太劉倩婷為佢生咗個可愛B女阡辰。

堪輿學家李丞責同前港姐冠軍老婆劉倩婷結婚3年終於造人成功，BB女阡辰日前喺養和醫院出世，重7磅，母女平安。小阡辰鼻高高夠晒精靈可愛，首次做爹哋媽咪嘅李丞責同劉倩婷梗係開心到不得了啦。

小阡辰張開小嘴，真係好可愛呢！

「似我聰明就得」

李丞責噚日喺電話度好興奮咁話：「個名係自己改嘅，所謂一命二運三風水，希望囡囡搵到自己嘅樂土。」李丞責話老婆怕痛，所以今次係擇吉日開刀。原來呢個廿四孝老竇為咗迎接小生命來臨，早喺老婆生BB一個月前已經停工，𠵱家老婆生完BB，佢先開始陸續復工。問佢覺得BB似爹哋定媽咪多啲？李丞責就笑住話：「啲朋友嚟探BB，都話BB似太太多啲，咁個女似媽咪梗係好啦，希望個女似我咁聰明就得㗎啦。」

劉倩婷𠵱家餵人奶，李丞責就幫手換尿片，問佢會唔會送禮物獎勵老婆，李丞責就話：「我同太太講話獎佢再生多個，佢眼都凸埋！其實我想買層樓送畀BB，我睇個市，下半年至出年上半年最適合。」

撰文：馮仁昭

馮仁昭
from:http://hk.apple.nextmedia ... 160323/19540456

TOP

4^# 大中小 young 發表於 2017-1-1 20:04 發短消息

劉倩婷尊重小冰決定

慧妍雅集會長劉倩婷昨日在中環出席聖誕活動，對於梁小冰因和陳法蓉吵架而要退出慧妍，她表示會尊重每位會員的決定：「呢件事係觀點與角度問題，大家都係緊張個活動。其實着T恤，好多年都有一啲規定。」

而現時育有一名9個月大女兒的劉倩婷，有意再添丁，她說：「佢好嗲我同老公，都想再生多個女。」

採訪：黃曉妍
攝影：仇志德
from:http://hk.apple.nextmedia ... 161211/19861706

TOP

5^# 大中小 young 發表於 2017-7-2 17:11 發短消息

劉倩婷恨過二人世界

劉倩婷表示女兒鍾意看書及聽音樂。

劉倩婷昨日代表慧妍雅集到九龍灣擔任學界棋藝比賽頒獎嘉賓，她表示跟老公李丞責首次帶一歲多女兒去旅行，倩婷指今次新加坡之旅，雖然辛苦，但見到女兒對新事物非常雀躍，也是值得。

稍後倩婷跟老公去旅行，她說：「今次唔帶囡囡，因為有咗之後差唔多兩年未試過二人世界去旅行。」問到是否計劃造人？她笑說：「未有呢個計劃，應該唔會有意外，暫時錫晒囡囡先。」倩婷又指女兒鍾意看書及聽音樂，至於對風水命理方面興趣，留待老公去決定，她不給予意見。另外，今年是慧妍雅集35周年，正籌備年底舉行音樂會，不少歌手都有興趣參與。

採訪、攝影：馬建華
from:http://hk.apple.nextmedia ... 170702/20075876

TOP

6^# 大中小 young 發表於 2017-7-27 20:32 發短消息

努力追多個仔劉倩婷肚凸凸賀李姿敏出嫁

劉倩婷（右）與熊穎詩等為09年同屆港姐亞軍李姿敏做伴娘，劉倩婷肚凸凸疑似有喜。互聯網圖片

現年29歲嘅09年港姐亞軍李姿敏，同53歲嘅本港澳洲籍練馬師賀賢（David）前日喺澳洲墨爾本舉行婚禮，邀同屆港姐冠軍劉倩婷同季軍熊穎詩做姊妹。

似懷孕3個月

李姿敏前日好開心喺Instagram上載開心片段，李姿敏高舉花球同班姊妹扭pat，玩得好開心。不過睇真啲，着住貼身嘅劉倩婷明顯肚凸凸，扭動嘅時小心翼翼托住個肚，疑似有喜3個月。31歲嘅劉倩婷喺13年嫁畀堪輿學家李丞責，舊年3月誕下囡囡阡辰，李丞責曾受訪時都好坦白咁話獎太太生多個。

李姿敏婚前跟劉倩婷和熊穎詩等着睡衣喺床上傾密偈。互聯網圖片

李姿敏同大自己24年嘅練馬師賀賢，前日喺澳洲舉行婚禮。互聯網圖片

李丞責同劉倩婷個寶貝女舊年出世後，繼續努力造人。資料圖片
「貼咗暖包啫」

馮仁昭噚日打畀李丞責，求證劉倩婷係咪有喜時，佢否認話：「唔係，絕對唔係，有咗嘅話一定通知大家。」問係咪因為未夠3個月唔講得？李丞責笑住話：「100％唔係，佢喺澳洲墨爾本，嗰邊好凍，用咗好多暖包貼喺身箒。」𠵱家兩公婆係咪努力再追多個？李丞責話：「係呀，努力中。」

身在澳洲嘅李姿敏噚日接受電話訪問時話：「婚禮好感動，我同David都喊，去到呢步都唔容易。」佢話稍後會到美國度蜜月，遲啲返港補擺喜酒。問到姊妹劉倩婷肚凸凸疑有喜？李姿敏否認：「唔係，可能係角度問題，加上可能因為凍，佢食多咗好多嘢。」

撰文：馮仁昭
from:http://hk.apple.nextmedia ... 170724/20099203

TOP