希慎廣場日前喺銅鑼灣開張，入面間誠品書店吸引咗唔少人去行，令到已經好旺嘅銅鑼灣更加旺。前日3點幾，唔少藝人喺呢區出現，首先係八両金帶住八両仔去到希慎廣場湊熱鬧，不過佢哋淨係喺廣場低層嘅露天花園蒲。
八両金父子入到去不停影相，連帶吸引到好多自由行、香港人同廣場嘅保安搵佢哋影相，估唔到八両金有咁大吸引力，但佢兩父子影完相就走，冇去近日大熱嘅誠品書店，果然有性格。
八両金前日拉埋八両仔行希慎，阿仔學埋老竇戴咗條鐵鏈咁粗嘅銀頸鏈，兩父子襯到絕！
揸手機影阿仔
李丞責拖倩婷
前日李丞責拖實未婚妻劉倩婷，準備上樓撐枱腳開飯。
心戰女刨烹飪書之後4點幾，就見到喺《心戰》裏面做陳豪女助手、TVB藝人趙希洛喺時代廣場嘅Page One睇烹飪書，睇足半個鐘後買咗幾本走人。前日下晝5點幾，堪輿家李丞責同未婚妻劉倩婷拖住手喺喺開平道拍拖，佢哋有講有笑，之後就入咗一幢商業大廈上樓開餐。
