本月9日戚黛黛返亞視簽約後，還開心地上載自拍照到fb（圖），估不到因《開門見山》節目一拖再拖，前日她在fb留言跟亞視取消合作。
明年4月1日被釘牌的亞視，今年6月宣佈有新投資者入主後，聲稱未來6年投資51億元發展，但事隔5個月，不單止通訊事務管理局未批准亞視股權變動申請，就連原定8月推出的新節目《開門見山》，播映日期亦一拖再拖，原先節目主持人朱慧珊因不甘亞視拖字訣而離開亞視，令節目名由《開門見珊》改名《開門見山》；至本月初，戚黛黛原本已與亞視簽約，接替朱慧珊與蔡國威及楊正軍任主持，結果前日戚黛黛又因為節目推出日期一拖再拖而大感冇癮，決定跟亞視解約劈炮唔做；由於亞視還有4個多月便被釘牌，這個節目分分鐘「未開門已見閂」。
蔡國威及鍾劍輝日前帶領內地賽區候選亞姐到潮州及汕頭拍攝外景。
一班內地賽區候選亞姐早前到潮汕海灘大騷身材。
【前日】
「當發咗場夢」
>戚黛黛前日在facebook上載月初她返亞視簽約時在門口自拍照片，並留言：「未開始合作已經要同你哋取消合作！傾咗幾個月，我都唔想，不過有時你們做嘢真係好搞笑！當發咗場夢啦！」記者致電黛黛，她無奈地說：「本來傾成咗做《開門見山》，但時間上佢哋有變動，𠵱家合作唔到。」
據悉《開門見山》出街日期一拖再拖，是因新老闆拒批製作費所致，而除該節目外，原定9月出街、由蔡國威主持的遊戲節目《我是股神》亦因沒有製作費而一拖再拖，至於亞姐及《感動香港》則因有贊助商揼錢始能繼續撐下去。
對於戚黛黛辭演，蔡國威昨日說：「公司一路叫我哋等消息，一路冇通知我哋會唔會取消或者點樣，我見黛黛咁寫，都有問佢發生乜嘢事，先知道佢同公司暫時選擇唔合作住。」說到他主持的《我是股神》冇曬聲氣，威仔說：「我哋要做嘅嘢都做曬，拍造型照、宣傳片，公司一直都話要等消息，去到呢個moment，我都唔會點理會，公司一直講唔實係幾時畀我哋聽，咪惟有一路等囉。」
採訪：魯吉
from:
http://hk.apple.nextmedia ... 151122/19382758
