有「新一代攝石人」之稱的吳若希，曾經因攝位不成功而在嘟姐的合照上得半邊面，不過昨日她終於獲嘟姐還半邊面，平反後被網民稱為「全面希」。昨日她在銅鑼灣出席活動被問到此事，她開心地說：「終於全面，呢張相我申請咗好耐，之前喺fb留言畀嘟姐個助手，問佢可唔可以叫嘟姐喺台慶嗰晚再影番多一張，之後嘟姐見到我即話要影番張全面相，佢真係一個好搞笑嘅前輩，感覺仲好親民。」
笑問許廷鏗和胡鴻鈞在相中模仿她攝石人甫士合照，吳若希笑謂：「我已經唔係攝石人，係主角，不過佢哋好冇人性，我嬲。其實大家係好玩。」後來，再問有人提議將她的口頭禪「好打耳」列入牛津詞典新詞語，她說：「好打耳就屬於我，開心大家鍾意呢個字。」
採訪、攝影：王連連
變番「全面希」的吳若希昨笑曬攬狗狗，心情大靚。
from:
http://hk.apple.nextmedia ... 151121/19381511
