由彭浩翔監製、陸以心首次執導的作品《同班同學》，好消息浪接浪，日前東京國際電影節公佈，《同》開售後被火速秒殺，兩場首映及特別放映近四百門票火速售罄，而三位女主角郭奕芯﹑廖子妤及麥芷誼聞訊後感到高興；
至於香港方面，電影公司亦特別安排一場全女班優先場，亦係滿座，彭監製﹑陸導演及三位女主角都出席謝票，唔少女戲迷都讚該新戲，又話會有共鳴。
此外，電影公司發佈優先場獲好評其中一場劇照，場景為郭奕芯被婆婆邵音音「籐條炆豬肉」，劇情講述飾演婆婆嘅音音姐，懷疑孫女郭奕芯學壞紋身，喝令孫女除衫畀佢檢查。
劇照中被冤枉嘅郭奕芯無辜被狠打，不停喪喊，音音姐表示：「我係真打佢㗎！咁樣就拍到最真實嘅感覺畀觀眾！郭奕芯好有潛質！」壓力爆煲嘅郭奕芯cut機更一度未能抽離，於片場喪喊十分鐘，佢話：「呢場係我個角色林婉靜好重要嘅一場戲，拍攝之前超級緊張！完成到呢場戲覺得自己好叻叻豬！」
from:
http://hk.apple.nextmedia ... 151013/19331405
