郭奕芯與全裸王宗堯爆床戰：佢好專業

由王宗堯及張建聲主演嘅《壹獄壹世界‧高登闊少踎監日記》，已鐵定今年暑假推出。男主角王宗堯及張建聲，今次喺片中齊為藝術犧牲，前者全裸，後者則谷肥60磅，但兩人每次戲中碰頭，都火花四起。

戲中王宗堯飾演風流富二代於日辰，佢要全裸上陣與性感bra top嘅「翻版Kay」郭奕芯(Ashina)肉搏，之後為避追打又要裸跑，僅以一隻肉色襪仔，包實「小宗堯」。

對於這場全裸激戰，王宗堯說：「肉搏場面係鹽花，始終高登小說都有少甜，呢段戲係講於日辰嗰種人生嘅荒謬、目中無人、唔識死，直情喺人哋嘅主人房入面搞人哋條女，情況非常混亂，因為想件事更好睇，畫面上面又唔可以太踩界，女仔方面因為有好多限制，同埋始終新人，Ashina係冇做任何裸露動作，好自然呢啲就交俾我，但肉搏唔係戲肉，係醒咗之後，佢俾Justin打，迫供搵我出嚟，好彩當時我唔係完全全裸，都有隻襪仔笠住，但因為現場有個搖臂嘅鏡頭，要全裸又要就鏡頭又要縮嘅時候，曾經因為起身避開個搖臂，背脊刮到爆缸，都幾危險。」而Ashina對住剝光豬的王宗堯亦不尷尬：「佢好專業，加上大家有做安全措施，唔會好真係接觸到身體重要部分，所以過程都係開心。」
from:http://hk.apple.nextmedia ... 150422/19120707

王宗堯（左）昨宣佈與蕭定一續約兼成立了自家製作公司。

王宗堯昨日在中環舉行記者會，宣佈提早與蕭定一續約5年，同時亦成立了自己的製作公司，他在台上感謝老闆完成他的夢想，蕭定一送了一張印有宗堯英文名字的導演凳，宗堯說：「𠵱家公司啱啱搞掂晒啲文件，希望可以同時兼任演員同幕後製作，希望一啲有才能嘅人可以加入，我亦都會努力搵錢，希望每年可以注資7位數字去公司。」

宗堯透露續約酬勞是過往人工的二、三倍，他更坦言希望與高登合作：「我係高登男神，多謝高登先！」同場的姜文杰表示早前接洽內地工作懷疑被騙，他說：「今次冇金錢上損失，但係中間人拎咗我啲個人資料，擔心唔知對方會點用。」

採訪：黃曉妍
攝影：陳志嵐
from:http://hk.apple.nextmedia ... 150430/19130226