現年18歲兼有「嫩口謝安琪」之稱的o靚模郭奕芯（Ashina）昨日在社交網站自爆搭港鐵時被口罩青年「掃」大髀三次，疑遭非禮！當時因趕辦入台證而未有報警，事後她愈諗愈嬲，最終獨自到尖沙咀警署報案，更大嘆後悔及「勁蠢」！
Ashina擁有33C上圍，身材火辣。
o靚模郭奕芯（Ashina）與前亞視高層盛品儒一啜成名後，因推出寫真集而成為新一代宅男女神。昨午11時許她在社交網站自稱於港鐵車廂內慘被一名戴口罩的青年三度「掃」大髀，疑被非禮！惟她當時正趕時間到金鐘辦理入台證，故未有向途人求助或報警。不過Ashina辦證後愈諗愈嬲，於是獨自到尖沙咀警署報案及錄口供。
口罩青年跟到實
身穿熱褲小背心的Ashina錄了三個鐘口供後步出警署，素顏現身的她難掩憔悴面容，回想事發經過時更情緒激動：「我今朝早由屋企出發去金鐘辦台證，有個男仔搭地鐵時掃咗我大髀三次。第一次係啱啱入車廂，我唔知佢係咪唔小心，所以冇為意。第二次係有乘客落車嘅時候，當時車廂空間唔擠迫，但佢行咗埋嚟掂我，令我好不安。第三次係轉車去中環，佢一直都跟住我，仲坐喺我隔籬，但明明隔籬有好多空位。臨到中環站嘅時候，佢就起身掃我大髀，之後一支箭走咗。」她續說：「佢係用手背掃我右邊大髀位置，三次都係同一個位，並停留大約兩至三秒，所以覺得非常奇怪。」可惜當時對方戴上口罩、帽及眼鏡，故Ashina未能認清對方容貌，但估計該名青年約22至28歲。
Ashina在尖沙咀警署報案後，向本報記者講事發經過。
Ashina激氣指住被口罩青年掃的大髀部位。
Ashina邊講電話，邊由警署步出。
認蠢冇大嗌非禮
年紀尚輕的Ashina更坦言後悔沒有即時報警求助，並自言「勁蠢」：「嗰時我真係好嬲，但又唔敢大聲嗌『非禮』，反而係呆咗同好驚，始終呢啲事未發生過喺自己身上，所以有一刻覺得不知所措，加上趕住去辦證，所以唔敢去鬧佢。我辦完證後即刻去報警，因為愈諗愈嬲，同埋唔希望呢個人再去傷害其他女仔。」Ashina更坦言此事令她身心俱疲，受訪後隨即回家休息。
文：專案組
From:
http://orientaldaily.on.cc/cnt/e ...1010/00282_007.html
