被指嗒翻版唐詩詠周子揚認戀何傲兒

何傲兒（Lily）和周子揚的感情之間，一直隔住「爺爺」林建名，早前周子揚和何傲兒被警察「照田雞」，何傲兒最終只承認跟周子揚屬朋友關係，但昨日突然有報導指周子揚「閃上」大台藝員「翻版唐詩詠」曹思詩，二人更相約放狗。

本報昨日電話訪問周子揚問他是否約會曹思詩，他越講越勞氣說：「絕對唔係報導所講密會，對方多次叫我出去睇狗，我之前同Lily都諗過想養隻松鼠狗，所以先出去睇嚇，飲嘢加放狗都冇20分鐘，唔知點解會有咁大篇報導囉！好似有人悉心安排咁，我絕對冇上佢屋企，我個心一直喺Lily度。𠵱家都冇心情識其他人，之前件事都已經令我哋好困擾，件事都未解決邊有心情呀！」

去年夏天周子揚和傲兒多番被影到街頭激咀，可惜受壓無奈轉做地下情。資料圖片

無線奀星「翻版唐詩詠」曹思詩被指搭上週子揚。資料圖片
「努力都係為咗佢」

周子揚被問到跟何傲兒似是而非的關係，他說：「我一直視佢係最重要嘅人，一心一意對佢，我好想公開佢做我女朋友，可以正常發展，互相鼓勵。我努力工作都係為咗佢，佢就係我一個推動力，我認識佢係一個好善良嘅女仔，所以咁耐以來，發生咁多新聞，面對咁多壓力同問題，我都一直咁愛錫佢，體諒佢各方面嘅壓力，好希望有一日可以同佢開花結果，好想保護佢，同埋想講同佢講句『對唔住』，可能嗰篇報導會帶畀佢麻煩同誤解，但係我心入面由頭到尾只係得佢一個。」

何傲兒一直避而不談的關係，周子揚宣之於口，是不是想公開關係？他說：「我𠵱家唔係公開關係，我係想講我感受。」啞忍多時的周子揚被問到是不是忍得好辛苦，他說：「唔辛苦，我淨係知道我好珍惜佢，同埋我哋嘅愛情。我淨係想表達我呢幾年嘅感受，我只係想簡簡單單正常咁拍拖，好似一般情侶咁拍拖啫！」

採訪：非非
from:http://hk.apple.nextmedia ... 151008/19324323

【企得好遠】

林建名的親生女煒珊及煒珽分企其左右，傲兒失寵靠邊站。

人稱「大少」的林建名昨日帶同旗下藝人戴夢夢、何傲兒及胡渭康等現身沙田馬場的仁濟盃活動，同場還有趙雅芝兒子黃愷傑、大少兩名女兒林煒珊及林煒珽等。未知是否周子揚早前公開認戀傲兒，令到她在大少心目中位置有影響，大少全程由契女戴夢夢蹺住手臂傍到實，而傲兒只是尾隨，影大合照更靠邊站，令人頓覺她「失寵」。

何傲兒接受訪問時大談馬經，她表示：「自己都會買吓，不過冇運，反而家姐聽到貼士會買吓，贏到幸運錢就會分番畀我。」之前周子揚被傳「閃上」無綫藝員「翻版唐詩詠」曹思詩，他為表清白終認與傲兒的戀人關係，更指「個心一直喺佢（何傲兒）度」，傲兒繼續迴避：「呢啲唔回應，寓工作於娛樂啦。」記者再追問男方已認定與她一齊，她依然不敢談戀情：「唔回應，今日心情好好，嚟食吓嘢，有得同大小姐慶祝生日。」

【契女蹺實】

林建名出席女兒搞的仁濟盃賽事，由契女戴夢夢蹺實照顧。

【全程尾隨】

何傲兒一向是大少林建名的愛將，但昨日疑似失寵，全程只尾隨老闆入馬場。

何傲兒避談周子揚認愛，繼續以地下情處理。資料圖片

蔡加讚透露太太汪圓圓陀第二胎已有五個月。

蔡加讚未知BB性別

同場的蔡加讚有馬匹「車神」出賽跑第三，他透露太太汪圓圓身孕已有四、五個月：「今胎胃口冇咁好，開始嗰時有嘔，佢上胎乜都食，今胎冇咁為食，醫生檢驗過話正常。」加讚表示未知BB性別：「未知，仔女都開心，同咗大女講佢做家姐，佢知媽咪有BB，不過唔知BB係乜。」加讚表示12月的結婚周年會留港慶祝：「唔心急飛，聖誕、新年都唔會飛。」

另外，黃愷傑表示有興趣做馬主：「不過遲啲先，養馬係浪費精神同金錢。」提到接拍陳欣健投資3.5億美元的中美合資電影《駝峰航線》，他表示正做準備工作：「為咗部戲睇多啲歷史做功課，歷史嘅嘢唔錯得，會同有經歷嘅人傾吓。」

採訪：譚倩宜
攝影：陳俊強
from:http://hk.apple.nextmedia ... 151019/19338464

何傲兒前晚以性感魔鬼造型現身首映，大晒玉背和長腿。

何傲兒、莊思明、「牛雜妹」李美琪（Monnie）前晚在九龍灣出席首映，以魔鬼造型大晒長腿的傲兒再次被問到周子揚高調示愛的事，她稱不識答，問是否公司給壓力？她說：「唔係，唔答啦。」對於周子揚示愛後，她隨即在馬場被林建名冷待，傲兒否認說：「梗係唔係啦，咁重要嘅責任（指戴夢夢扶林建名），梗係留番畀契女。」

牛雜妹棄簽蕭定一轉投獨立製作公司，她說：「工作未必喺香港，想拍電影。之前有人搵我拍電影但角色未處理到，係做反叛壞女孩，自己第一部戲想正面啲，性感要經理人批准。」

採訪：羅慧敏
攝影：陳順禎
from:http://hk.apple.nextmedia ... 151022/19341996