吳若希避談母康復進度

吳若希和馮允謙昨日在鑽石山出席單車活動，與世界級冠軍單車好手一起單車比賽。之前吳若希母親踩單車嚴重受傷，被問母親最近狀況，她不願多談只說：「都係咁上下，正常。媽咪受傷咗一段時間，但都意識到踩單車要顧及安全，戴頭盔、護膝係必備嘅。」

至於愛跑步的馮允謙，在加拿大時也會踩單車，但因香港車多路窄少做此運動，他更打算稍後到上海參加馬拉松比賽，挑戰自己，他知道連詩雅跑步傷膝，知道要多加保護。曾與岑麗香拍劇的他知道對方拍拖，即送上祝福，他說：「睇相個男仔幾靚仔又高大，香香好好人，好鍾意幫人，希望呢個男仔可以照顧佢。」

採訪、攝影：王連連
from:http://hk.apple.nextmedia ... 151004/19319711

有傳吳若希早前拍《實習天使》時主動出擊冧掂黃子恒。　互聯網圖片

緋聞多多嘅吳若希最近又再收兵，新鮮上場嘅係唔知幾多線嘅無綫藝人黃子恒，兩人上星期四被影到去赤柱撐枱腳，飯後仲孖住行碼頭談心。報道仲話黃子恒嗰日顯得好避忌，有市民搵吳若希合照，佢都即刻擰轉面。

今年33歲嘅黃子恒其實出道咗16年，但一直演閒角，直到前年拍《衝上雲霄II》演副機師，先令人有啲印象。雜誌仲話，吳若希拍《倩女喜相逢》已經同黃子恒好投契，只係當時吳若希同大孖周志文、大隻仔溫家偉傳緊緋聞，所以黃子恒久唔久先會同女方消夜，直至近期佢哋拍《實習天使》，吳若希主動埋身先開始發展。

黃子恒捱咗16年，終於拍住洪永城喺新劇做男二。

等人多搵掩護

噚日黃子恒出席喺將軍澳舉行嘅活動即被追問戀情，佢就話︰「食飯囉，都係影到我哋食飯，只係兩個朋友食飯啫！」有人話吳若希好似好主動，佢就解釋︰「我哋識咗好耐，傾偈冇話邊個做主動。」有傳無綫唔想佢太多緋聞，問佢會唔會有所避忌？佢就話如果有人唔鍾意都會，又話下次可能多啲人先一齊出去。身在海外嘅吳若希就回應：「究竟我今年要做幾多期封面呀？冇嘢回應！」

撰文：馮仁昭

馮仁昭
from:http://hk.apple.nextmedia ... 151008/19324523