蘇永康地震以為有鬼

1^# 大中小 young 發表於 2015-9-19 16:02 發短消息

「男人幫」日前到台灣宣傳時遇上地震。

將於今年11月於紅館開騷的「男人幫」任賢齊、黃家強、蘇永康和梁漢文，日前到台灣宣傳時遇上兩次地震，第一次感到震動是在週二（15日）深夜3時許花蓮4.6級地震，翌日傍晚在錄音室錄音時，亦感到有點搖晃。蘇永康最初以為酒店有鬼：「半夜被搖醒，最初真的以為唔通有鬼，開咗燈後發覺唔單止張床搖，連地燈都搖，先知道係地震，嗰一刻有諗過係咪換件衫，萬一要走佬落街，冇理由著住睡衣，啲人實認得我！」

小齊則擔心屋企飛窗落街，他說：「之前因為台灣打風，我屋企啲玻璃窗入曬水，本來諗住今次順便搵人整埋，萬一震到隻窗飛落街整傷人我都唔知點算。」

撰文：張曦彤
from:http://hk.apple.nextmedia ... 150919/19301322

廷伸閱讀/相關主題推介:

相關主題:蘇永康地震

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-10-5 19:47 發短消息

蘇永康置地玩公仔

蘇永康前晚孖住做時裝嘅老婆現身中環置地廣場行街，兩個人未有收穫，二人搭扶手電梯期間，蘇永康攞咗老婆隻Fendi老佛爺造型嘅Karlito皮草吊飾公仔喺度玩，個公仔係舊年嘅款式，當時賣15,000蚊。蘇永康揸住咗公仔愛不惜手，唔停摸佢啲毛皮。原來兩公婆拎個公仔入咗一間舖頭，逗留咗10分鐘，估計係擺底維修。

撰文：馮仁昭
from:http://hk.apple.nextmedia ... 151005/19320738

TOP

3^# 大中小 young 發表於 2015-10-21 00:01 發短消息

蘇永康讚小S夠義氣

（左起）任賢齊、蘇永康、梁漢文、黃家強前晚在珠海為中華小姐環球大賽任評審。

來自陝西20歲的郭洋子奪得冠軍寶座。

【珠海直擊】男人幫成員任賢齊、蘇永康、梁漢文、黃家強擔任評審及表演嘉賓的「2015中華小姐環球大賽」，前晚在珠海舉行，結果由來自陝西20歲的郭洋子奪冠，亞軍是來自台灣的吳韋葶，季軍則是廣東的栗璐雅。四子審美要求頗高，梁漢文和家強更爆蘇永康鍾意堅挺身材和臀部，蘇永康即反駁說：「我經常改變，今日睇高度。」問蘇永康是否怕被老婆鬧轉軚？他即說：「我老婆身材差得過佢哋咩？」

此外，台灣綜藝節目《康熙來了》告終，四男日前在台灣錄影後才知道，小齊笑說：「係咪我哋累咗人呀？因為永康去咗，所以康永唔想做。」蘇永康則讚徐熙娣（小S）有義氣，共同進退。

採訪、攝影：曾小嘉
from:http://hk.apple.nextmedia ... 151019/19338466

TOP

4^# 大中小 young 發表於 2015-10-21 00:13 發短消息

蘇永康陪老婆掃貨忍手

蘇永康向來重視造型，前日康仔又出動，孖老婆馮翠珊（Anita）去中環shopping，嗰日黃昏5點幾，馮仁昭發現康仔時，佢本來只係負責畀意見老婆，而Anita揀中乜都會好自然咁問過佢先，初初康仔都坐喺梳化度等，但等咗15分鐘左右終於忍唔住揀埋一份，試孭完背囊又揀鞋，不過最後都忍手冇買，陪Anita掃咗兩袋心頭好就走喇！

撰文：馮仁昭
from:http://hk.apple.nextmedia ... 151020/19339603

TOP