韓國藝人孫藝珍，還有本地母女檔梁潔華和黃芷晴、及關禮傑太太梁安娜和囡囡關楓馨（Fabienne）昨日應邀出席在圓方舉行護膚品牌發佈會，兩對母女如同印餅，55歲的梁潔華跟25歲女兒黃芷晴亮相台上更十足十兩姊妹。
梁潔華與黃芷晴首次以母女檔出席活動，芷晴大讚媽咪是個護膚高手，經常會提醒她注意皮膚清潔保濕。梁潔華去年患急性血癌，被問到康復進度時，她表示一切正常，需定期覆診，是否完全康復？她說：「唔可以咁講，因為癌症一般穩定期係5年，𠵱家一路觀察住。」在旁的芷晴急急糾正媽媽的說話稱：「都好穩定，我有提佢多休息，不過佢要打高爾夫球同練大戲，但係頭飾又好重，呢樣係令佢放鬆嘅活動，就當係做運動。」
至於關禮傑女兒Fabienne亦是首度與媽咪同場，Fabienne現於英國讀教育，被問到會否加入娛樂圈，她說：「仲有兩年讀完書先諗，學業為先，讀教育唔一定教書。」媽媽安娜則支持女兒可以爭取經驗，她說：「等畢業先諗，呢行大家都知難唔難，有興趣係唔會阻止，讀咗書係自己，唔啱先再轉。」
關禮傑讓女兒入行，吸收經驗。資料圖片
20歲的關楓馨是關禮傑的女兒，昨她表示現於英國讀教育，兩年後畢業才考慮入行。
孫藝珍支持天然靚
至於品牌代言人孫藝珍，昨早飛到香港出席活動，她表示未有機會四處遊覽感到可惜，最喜歡就是香港的點心。孫藝珍被指是韓國天然靚女，她分享護膚心得說：「出道時係20幾歲，𠵱家30幾，主要係運動，保持健康。」被問到是否接受醫學美容，及抗拒整容時？她說：「人造美老咗之後會見到，所以自己支持天然靚。」另外，同場的呂晶晶真空上陣，不過膠紙盡露，令靚衫大打折扣。
採訪：溫敏芝
攝影：沈健程
呂晶晶為防走光，狂黐膠紙，搞到膠紙外露。
孫藝珍專程由韓國飛抵本港出席代言護膚品。
from:
http://hk.apple.nextmedia ... 150910/19288883
