黃芷晴認梁潔華患血癌

1^# 大中小 young 發表於 2014-6-13 13:17 發短消息

自去年傳出黃日華太太、已退出娛樂圈，從事保險業的梁潔華患癌，黃日華及女兒黃芷晴對其病情一直三緘其口，芷晴更說母親只是小事，但昨日她出席在中環IFC舉行Kiehl's的兒童癌病基金籌款活動時，終親口承認母親患血癌，已完成最後一次療程。

梁潔華於80年代活躍電視圈。

梁潔華（左）與黃日華去年齊齊與女兒黃芷晴（中）出席活動。

「媽咪話要幫佢澄清」

提及母親狀況，芷晴說：「媽咪今次住院時間係耐咗，因為醫生話抵抗力好啲先出院，有報導話媽咪瘦咗，媽咪話要幫佢澄清，佢唔單止無仲話佢肥咗，佢喺醫院都好忙，有叫下屬去開會，我哋有日日探佢，總之保持心境開朗最重要，媽咪亦唔需要換骨髓。」此外，同場還有郭富城、王曼喜及王麗嘉兩姊妹，城城表示會捱眼瞓捧世界盃開幕，問他今年捧哪隊，他笑言問題尷尬：「C朗拿度、美斯、尹佩斯我都鍾意，個個都唔同國家，我今年就突破啲揀法國啦！」

有指緋聞女友苟芸慧在巴西採訪世界盃活動說當地很多靚仔，很多巴西版郭富城，問他覺苟姑娘靚女嗎，城城即笑說：「梗係靚女啦！」至於有否跟好友彭順聯絡，城城說應該給予對方空間，留給他們兩公婆處理，而他稍後會開始練舞，因為會擔任《中國好舞蹈》的大使。

郭富城騎上哈利電單車，chok爆！

王曼喜（右）與妹妹王麗嘉齊齊以短裙示人。
from:http://hk.apple.nextmedia ... 140613/18756499

廷伸閱讀/相關主題推介:

相關主題:血癌黃芷晴

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2014-6-20 12:34 發短消息

梁潔華抗血癌精神好胃口

黃芷晴同大家展示一家三口嘅最新近照，證明媽媽梁潔華（中）精神不俗！

喺今年年初有傳黃日華嘅太太梁潔華患咗血癌入院，當時華哥同囡囡黃芷晴只係話啲血出現咗少少問題，直到近排芷晴終於親口證實媽咪患上血癌，已經完成咗最後一次療程，精神都唔錯。

黃芷晴話媽咪雖然情況穩定，但係仲要休養，所以未有計劃見大家。

芷晴：keep住覆診

前晚芷晴出席喺金鐘舉行嘅《命運交響廳》分享會，芷晴攞咗3張媽咪喺母親節時影嘅相片畀大家睇，一張係佢爹哋同媽咪嘅合照，一張係一家三口嘅相，淨番嗰張就係佢媽咪嘅獨照，喺相度見到梁潔華精神飽滿，芷晴就話媽咪好驚啲朋友太擔心，佢自己都冇諗過大家嘅反應會咁大：「媽咪情況好好，復原進度亦係好好，好多朋友都有打電話嚟關心佢。」

係咪即係話完全康復？芷晴就話：「𠵱家要keep住睇報告同覆診，媽咪有時仲精神過我，父親節嗰日媽咪好好胃口，又食羊扒又食豬扒。」不過講到會唔會出嚟見吓大家，芷晴就話暫時唔會，暫時仲休養緊。

同場嘅羅力威俾人問到女友雨僑喺網上講「反狗肉節」言論，無端端俾網民鬧爆佢假正義，羅力威話佢唔想評論，但係講到有冇戥女友心痛？佢暗撐話：「能夠喺網上面勇敢發表言論，係一件幸福嘅事，要珍惜一吓𠵱家仲有自由空間發表你想講嘅嘢。」
from:http://hk.apple.nextmedia ... 140618/18764231

TOP

3^# 大中小 young 發表於 2014-6-20 12:39 發短消息

黃芷晴撐母狀態好：仲精神過我

黃日華女兒黃芷晴日前親口承認母親梁潔華患血癌，目前已完成最後一次療程，突如其來的消息嚇壞一眾朋友，她前晚出席活動時，就澄清媽咪正在康復中，身體狀況甚佳：「冇諗過引起咁大反應，媽咪情況好好，康復得好好，好多朋友都打電話問候佢，好似志偉哥（曾志偉）、修哥（胡楓），佢都好驚朋友咁擔心，以為佢咩大件事，所以叫我畀佢近照大家睇。」隨即拿出手機展示3張梁潔華近照，包括她們一家三口在母親節影的合照，相中可見梁潔華精神飽滿，芷晴更取笑媽咪：「佢冇報道所講暴瘦20磅，咩面目全非，仲肥番啲添，其實不嬲都肥。」

黃芷晴晒母親節影合照，澄清媽咪正在康復中。

未完全康復
她指媽咪近半年每月做一次化療，尚要等報告才知是否完全康復，但強調精神很好：「個樣仲精神過我！而且仲好貪靚，keep住成日保養。本身媽咪唔鍾意影相，母親節嗰排都肯影。」剛過去的父親節她就下廚整大餐，仲爆媽咪好胃口：「羊扒豬扒佢全部都有食，仲讚好好味，所以真係唔使擔心。」但就指媽咪仍要在家休養，暫時也未會公開露面。

黃芷晴與家人過節，亦笑指母親精神飽滿，比以前更肥。
from:http://orientaldaily.on.c ... /00282_035.html

TOP

4^# 大中小 young 發表於 2014-6-23 10:09 發短消息

撲水新聞添壓力黃芷晴：媽咪唔開心

黃芷晴測試血紅素，惜最後因腸胃不適而被拒捐血。

黃日華女兒黃芷晴與港視藝人梁寶琪前日響應捐血招募員古天祥的呼籲，到油麻地紅十字會捐血中心，一心捐血幫人，惜黃芷晴於捐血前一日肚屙，梁寶琪因貧血而不夠血紅素，雙雙被拒捐血，古天祥則順利捐血350c.c.。

黃日華被指撲水醫老婆，囡囡黃芷晴代為否認。

「就快出院」

黃芷晴對未能捐血感可惜，她說：「之前媽咪身體有事，要輸血，媽咪需要人幫，自己都想幫人，血庫唔夠血，等下次身體好番，同爸爸再嚟。」問到媽媽梁潔華血癌病況？她說：「好番好多，就快出院，澄清一下有新聞話媽咪要骨髓，全屋冇人適合捐，報道係假，未去到需要骨髓。」對於全家被指要撲水200萬救媽媽，她說：「唔係真，我係工作多咗，唔關撲水事，媽咪保險包晒，報道搞到媽咪啲朋友擔心，婆婆啲朋友睇到新聞都追問，有壓力，呢樣令媽咪唔開心。」她還澄清媽媽未有暴瘦，表示如媽媽身體許可，並獲醫生准許，會帶媽媽捐血。

第10次捐血的古天祥獲頒獎狀，表示小時候因貪威而開始捐血，梁寶琪謂調理好身體就約黃芷晴再捐血，工作方面就剛剛拍完港視劇《惡毒老人同盟》與微電影。
from:[url][/url]

TOP

5^# 大中小 young 發表於 2014-6-29 20:20 發短消息

芷晴爆媽咪出院狂買嘢

性感現身的黃芷晴，透露不介意行泳衣騷。

黃芷晴、陳法蓉和李依琳昨日到圓方出席首飾發佈活動，黃芷晴以紫色晚裝裙現身，稍露事業線，她透露媽媽的身體狀況很好：「已經出咗院啦，好精神，差唔多好番晒，係瘦咗少少。佢仲去瘋狂shopping，買咗嘢畀我同爹哋，又買咗個名牌袋畀自己。」

黃芷晴表示想賺多些錢照顧媽媽，最近又獲浙江衛視邀請參加《我不是明星》，她說：「媽咪想我陪吓佢先再去，有designer邀請我做服裝設計，我都想試。」至於會否接泳衣騷？她笑言要減肥先，但不介意行泳衣騷。同場的陳法蓉性感登場，正忙於慧妍雅集主席職務。她透露明天是好友羅慧娟離世兩周年，會與朋友聚會懷念對方。
from:http://hk.apple.nextmedia ... 140629/18780586

TOP

6^# 大中小 young 發表於 2014-7-8 11:25 發短消息

黃芷晴陪爹哋睇波

黃芷晴（左）、黃美棋及羅力威力捧巴西。

黃芷晴、黃美棋及羅力威前晚在將軍澳出席世界盃活動，三人同是捧巴西，但羅力威嫌今年世盃欠整體性：「好似阿根廷只打一個美斯咁，搞到今屆少咗好多世界靚波，我其實好期待尼馬同美斯PK，好可惜尼馬傷出。」

黃芷晴就陪爸爸黃日華睇波，她說：「有時太夜踢都冇睇，但第二日會問番爹哋場波打成點，男友呢排似同我爹哋拍拖睇波多啲。」此外，黃美棋之前到土耳其及歐洲等國拍攝旅遊特輯，她謂土耳其的世盃氣氛熾熱：「飲住啤酒睇波好開心，土耳其人又熱情。」

此外，無綫安排陳貝兒（Janis）和鄧佩儀等遠赴巴西直擊世盃實況，企圖出動美人計採訪大牌球星，結果成功埋到J洛身。奈何無綫護花不力，事關Janis日前採訪德國對法國賽事時，又再被巴西球迷強吻面珠墩，真陰功。
from:http://hk.apple.nextmedia ... 140707/18790447

TOP

7^# 大中小 young 發表於 2015-2-13 16:53 發短消息

梁潔華患血癌隨時死

黃日華知悉太太梁潔華患血癌，一度瞞着女兒黃芷晴。

梁潔華去年發現患上急性血癌現已痊癒，日前黃日華和梁潔華接受商台《雙截棍》訪問，詳述患病經過，原來梁潔華最初以為自己是普通感冒，後來發現傷口一直不能癒合，才發現患上血癌，梁潔華說：「正常人嘅血小板係一百五十至二百，但我只有十！如喺街上面暈倒，我個腦有機會撞爆，繼而死亡！」黃日華知道太太患上血癌晴天霹靂，陪伴梁潔華化療其間抱着積極正面的態度去面對。他表示當時未有立刻告知女兒黃芷晴，等待時機成熟，才召開家庭會議，讓女兒知道媽媽的病情。黃日華又提到當時已簽約港視，港視又不獲發牌，外間又有不少負面報道，指他為愛妻撲水醫病，他說：「太太嘅醫藥費全部由保險公司支付，我冇經濟上嘅壓力，反而情緒壓力就好大。」

撰文：非非
from:http://hk.apple.nextmedia ... 150207/19032198

TOP