澳門賭業猛人兼太陽娛樂揸弗人周焯華（洗米華），原來又趁老婆跟好友到希臘旅行之際，偷偷陪女友Mandy Lieu去西班牙巴塞隆拿享受二人世界，昨日讀者何先生透過本報「爆相爆片」，指在當地下榻的W Hotel見到兩人。
何先生昨在電話說：「噚日喺lobby見到佢同Mandy，佢哋好警覺，見到華人即刻笠帽跑步走，今朝喺健身室見到洗米華做運動。」
洗米嫂昨現身上環睇舖，避談老公洗米華跟Mandy Lieu同遊西班牙。
洗米嫂上環睇舖
至於再被老公背叛的洗米嫂，昨由希臘回來即到上環展銷中心睇逾二萬呎舖位，著透視衫襯熱褲堅強現身，更破例有問有答笑容滿面說：「啱啱落機。」問華哥點解唔一齊去希臘？她避答：「今日唔係講舖咩。」有否keep住跟華哥聯絡？她宣示主權說：「一家人keep住聯絡。」投資有否問華哥意見？她說：「一時時。」當記者想問知否華哥跟Mandy去了西班牙？她的助手即截停道：「差唔多啦！」洗米嫂說：「唔該曬。」她即在助手和保鑣護駕下返澳門。
採訪、攝影：畢紹基、楊浩賢
from:
http://hk.apple.nextmedia ... 150909/19287583
